Хит упатство за користење на Вибер: Светлана на генијален начин ја едуцираше баба ѝ
Светлана сигурно не е осамена во својата мака...
Младите генерации во последните години добија не толку лесна задача - да ги обучат повозрасните како да ги користат модерните технологии.
Оној кој мислеше дека „заболел“ додека ја учел својата баба како се испраќа СМС порака, не ни претпоставувал дека за неколку години ќе мора да ја обучи како се користи Андроид, но и да ја запознае со сите магии на апликациите и социјалните мрежи.
Сигурно барем еднаш сте добиле прашање од вашите драги баби и дедовци како да го направат „ова“ на Вибер или како на Јутјуб да го погледнат „она“... Со овој проблем изгледа дека повеќе пати се соочила и Светлана, корисничка на Твитер, која на крајот пронашла начин како на својата баба да ѝ ги скрати маките, со тоа што ѝ нацртала упатство за употреба.
što ne vidi neka izdavačka kuća da me pozove da sklopimo neku šemu https://t.co/5rvjzvN3uK
— Svetlana (@milankovs) November 29, 2020
Светлана на Твитер објави фотографии на кои се гледа дека во една тетратка уредно ѝ ги илустрирала сите опции и икони, кои ја збунувале нејзината баба, кога се во прашање апликациите.
Нејзината објава за кратко време стана толку вирална, што на оваа тема се јавија и од Вибер и додадоа уште едно упатство, како бабата да сними видео порака.
kada me baba po deseti put na dan pita kako da mi pošalje ikonu na viber pic.twitter.com/7FCYXVlCr6
— Svetlana (@milankovs) November 28, 2020
И додека корисниците имаат само пофални зборови за идејата и трудот на Светлана, таа отворено признава дека била на „работ да доживее нервен слом“ додека го цртала ова.
Вели дека упатството е навистина корисни, секако сѐ додека не го изгуби нејзината баба.
Во случај да не можете да ги обучите вашите мајки и татковци, баби и дедовци, обидете се со методот на Светлана. Доколку и ова не успее, тогаш можеби е подобро Андроид телефоните да им ги замените со класичните телефони.