Храбра девојка: Џејла Рамовиќ со насмевка на лицето скокна од авион (ВИДЕО)
Пејачката со ова сигурно си го кренала адреналинот во крвта...
Пејачката и победничка во музичкото натпреварување „Ѕвездите на Гранд“ веќе некое време престојува во Барселона, каде се пресели поради студиите. Освен обврските на факултет и учењето, пејачката вистински се забавува добро во Шпанија, за што сведочи и најновата објава на Инстаграм.
Имено, Џејла одлучила да го крене адреналинот во крвта, па така се осмели да скокне од авион. За целото време на овој храбар подвиг пејачката имала насмевка на лицето, поради што изгледа дека не почувствувала ниту малку страв.
Инаку, оваа акција е спроведена во рамките на универзитетот на кој Џејла студира, со цел да го прослават тоа што нивната заедница расте.
„Бараме предизвици, а не ограничувања, па сакавме да направиме нешто незаборавно за да го прославиме растењето на нашата #ЕУ заедница. Студентката Џејла Рамовиќ не се двоумеше кога ја прашавме да прослави за нашата ЕУ заедница со скок од авион“ - пишуваше на официјалната страница на оваа престижна образовна институција.