Хрватски јутјубер со социјален експеримент: Фрла ѓубре низ плоштад во Загреб - за малку ќе добиеше ќотек

Хрватскиот јутјубер Петар Зрински, попознат како Перица, во новиот социјален експеримент во центарот на Загреб ја тестираше социјалната и еколошката свест на граѓаните. Низ плоштадот фрлаше ѓубре, а потоа ги очекуваше реакциите од луѓето околу себе.

Перица, на плоштадот во Заграб, прилично очигледно фралал лименки и друго ѓубре пред минувачите за предизвика некаква реакција, односно, да провери колку се грижат за чистотата во нивната околина.

„Имаш ѓубре, па зошто не го фрлиш во канта?“ - го прашава една госпоѓа, на што тој ѝ одговорил дека тоа го прави поради тоа што постојат луѓе кои се грижат за хигиената, и кои ќе ја завршат таа работа наместо него. Секако, госпоѓата на неговиот одговор уште повеќе се згрозила и го прашала дали смета дека таквото однесување е во ред.

„Замисли сите ние што поминуваме, така да го фрлале ѓубрето. Како би изгледало тоа?“ - повторно го прашала видно изнервираната госпоѓа. Но, на крајот сепак се откажала од идејата да го разубеди.

Друг минувач пак бил поупорен и лименката му ставил на јутјуберот во рака и му наредил да ја фрли во најблиската корпа за ѓубре.

Перица, во еден момент, дури отишол и чекор понатаму, па една госпоѓа која стоела покрај него ја обвинил дека таа ја фрлила лименката на подот.

„Тетко, знаете ли дека не е пристојно вака да фрлате ѓубре?“ - ја прашал Перица госпоѓата покрај која стоел.

„А, дали? Тоа го фрливте вие, ве видов. Јас тоа ниту сум можела да го фрла, кога не го пијам тоа“ - му одговорила госпоѓата, а Перица дури се обидел да ја обвини и пред човекот што чисти, кој им пришол за да ја види и неговата реакција.

Очигледно е дека постапките на Перица ги шокирале и разгневниле скоро сите минувачи, а еден толку многу бил изнервиран, што за малку ќе го истепал јутјуберот.

Повеќе фотографии и видеото од овој експеримент може да најдете на следниот линк.