И јас си родив мој Илон на денешен ден: Водителката Миа Костова со емотивна порака за роденденот на синот

Еден од најбогатите луѓе на светот и сопственик на „Тесла“, Илон Маск полни 50 години. Но, на овој ден пред 9 години и водителката Миа Костова го донесе на свет својот единец, синот Андрија.

Гордата мајка, на социјалната мрежа Инстаграм сподели неколку сториња по повод роденденот на својот син, а помеѓу сторињата се најде и фотографијата на Илон Маск како бебе, кој е во прегратките на неговата мајка.

„И јас родив мој Илон на денешен ден. Тесла лоудинг...“ - напиша Миа покрај оваа фотографија, а потоа на следната, на која е нејзиниот син напиша:

„Еден си мамче! Да го вратам времето би те родила уште 100 пати. Ти благодарам за секој ден во овие 9 години, ти благодарам што си моја слика со целата енергија, воспитување и однесување. Мамче грабај сè што посакуваш, биди ми само жив и здрав, за сè останато мама е позади тебе, засекогаш и кога ќе ја нема. А, оваа мама не е обична мама, зошто ни ти не си обичен. Те сакам посебнице моја, единец мој, око мамино! Среќен роднеден бебе мое засекогаш“.