Инстаграм во тајност отстрани една опција: Што се крие зад овој потег?

Корисниците за промената не беа известени, што е многу необично, бидејќи оваа социјална мрежа најчесто го најавува секој таков чекор.

Социјалните мрежи се менуваат од ден во ден за да ги задоволат барањата на своите корисници и за да го задржат и зголемат нивниот број. Тоа е случај со сите популарни платформи, кои најчесто ги информираат своите корисници за промените кои ќе следуваат.

Тоа овој пат не беше случај со Инстаграм. Имено, оваа социјална мрежа без никакво известување го отстрани копчето за IGTV, кое се наоѓаше на врвот на профилот, веднаш покрај копчето за директни пораки.

Сега по овој повод се изјаснија од Инстаграм и објаснија дека луѓето не ја користеле оваа опција и дека големиот број од нив не ни го забележела постоењето на ова копче, туку дека видеата ги откривале на друг начин.

„Како продолживме да работиме на тоа да на луѓето им го олесниме создавањето и откривањето на содржината на Инстаграм ТВ, сфативме дека голем број луѓе оваа содржина ја наоѓаат на почетната страница и во пребарувања. Само неколкумина ја користеа оваа опција“ - објаснува потпаролот на Инстаграм.

Опцијата Инстаграм ТВ се појави во 2018 година со цел Јутјуб да се симне од тронот, дозволувајќи им на луѓето да објавуваат вертикални видеа.