Ќерката на Антонио Бандерас и Мелани Грифит има 25 години и е природна убавица: Еве на кого повеќе личи
Пред неколку дена на Неделата на висока мода во Париз,
брендот Диор претстави нова колекција, а оваа спектакуларна ревија собра многу
познати личности и љубители на модата. Но, посебно изненадување предизвика
појавувањето на Стела Бандерас, ќерката на славните Антонио Бандерас и Мелани
Грифит.
25-годишната девојка долго време ги избегнуваше рефлекторите, но сега се почесто може да се види на гламурозни забави и црвениот тепих, што не треба да не ‘ чуди со оглед на тоа дека има актерски амбиции исто како и нејзините познати родители.
Стела на ревијата на Диор пристигна во елегантно, впечатливо издание, избирајќи црвен комплет - блејзер и мини здолниште со длабок струк. Комбинацијата ја надополни со класична црнаролка и црни салонки со микро потпетица, а од деталите носеше само дискретно златно ланче и препознатлива чанта со потписот на Диор.
Инаку, младата актерка имаше многу дискретна шминка, нагласувајќи ги маслинесто зелените очи и природниот изглед. Интересно е што не личи особено на познатиот татко, тукумалку повеќе наликува на Мелани.
Инаку, познатиот актерски пар беше во брак од 1996 до 2015 година, а Стела е нивното единствено дете. Токму поради неа сè уште негуваат добри односи.
Оваа млада дама штотуку ги прави првите актерски чекори, па единствена улога ѝ е онаа од филмот „ Crazy in Alabama“ кога уште била дете. Но, затоа е искусна во манекенството - веќе била ѕвезда во неколку модни едиторијали на престижни списанија.
Фото: инстаграм
Фото насловна: Youtube - screenshoot - The Celebritist
Можеби ќе ве интересира: