Кои хороскопски знаци се компатибилни со Били Ајлиш?

За љубовниот живот на една од најголемите музички ѕвезди на денешницата многу малку се знае. Не само што не зборува за својот љубовен статус и љубовното минато и сегашност, туку воопшто не открива какви типови на момчиња ѝ се допаѓаат.

Како што пишува Elite Daily, ништо од тоа не е изненадувачки, доколку го земеме предвид хороскопскиот знак на Били Ајлиш.

Имено, таа е родендена на 18 декември 2001 година, во знакот Стрелец. Овој знак е со слободен дух и ужива во независноста и слободатата, па така што не е реткост Стрелците да бидат сами одреден временски период. Ги движи желбата за нови познанства, искуства и авантури, а често може да се чувствуваат како врската да ги спречува во постигнувањето на сопствените цели. Потребен им е многу специфичен тип на личност, за која тие би можеле да се врзат. Таквата личност мора да ја дели нивната желба за истражување, но и да биде независна и сигурна.

Ова се трите хороскопски знаци со кои Били Ајлиш би можела да функционира во врска и да биде потполно компатибилна, а пред сѐ со нив да биде одличен пријател.

# Овен

Овенот и Стрелецот се сродни души и се многу компитабилни знаци. Двајцата ја делат истата светла, силна енергија. Авантуристи се, храбри, љубопитни и животот го гледаат како можност за истражување. Тие сакаат да го живеат секој момент во својот живот, така што во комбинација се навистина одличен пар. Исто така, двајцата во себе имаат огромна потреба за независност, па така во врската еден на друг ќе си ја дадат потребната слобода за да ги следат своите страсти кога не би можеле да се вклопат, а на крајот од денот ќе се вратат еден на друг за да си споделат сѐ што им случило тој ден.

# Лав

Лавот и Стрелецот во овој случај ќе може да функционираат во врска доколку се поврзат на сметка на заедничката позитивност, оптимизам и страст. Двата знака длабоко во себе копнеат по авантура. Стрелецот е освоен од харизмата на Лавот, а Лавот пак ја сака постојата потрага по знаење и животни искустава која ја има Стрелецот. Иако понекогаш овие два знаци може да дојдат до конфликт, во нивниот однос и понатаму ќе владее љубов и почит.

# Водолија

Љубовната врска помеѓу Водолијата и Стрелецот започнува со средбата на (сличните) мисли. Двата знаци се многу интелигентни и филозофски настроени и може да поминуваат часови разговарајќи за смислата на животот. Двата го делат неконценционалниот и отворен поглед на светот. Исто така, се многу независни и им требаат партнери кои имаат свои посебни животи и страсти, па со задоволство ќе си го дадат потребниот простор еден на друг. Ниту еден знак нема „традиционален“ поглед на односите, па така со задоволство ќе го започнат својот пат без замерки. Можеби не се како големиот број парови, но затоа заедно функционираат неверојатно добро.