Кралското семејство му го честиташе вториот роденден на Арчи: Овој пат без нови фотки од малиот славнеик

Кралското семејство му го честиташе вториот роденден на Арчи: Овој пат без нови фотки од малиот славнеик

Објавена во: Совети // Семејство

Британското кралско семејство испрати пораки по повод вториот роденден на Арчи, синот на принцот Хари и Меган Маркл, кои порано оваа година станаа извор на една од најголемите кризи во кралското семејство во последните децении.

Арчи Маунтбатен Виндзор, седмиот во ред за наследството на британскиот трон, роден е во болница во Портланд во Лондон на 6 мај 2019 година, а сега живее во САД, откако неговите родители минатата година ја напуштија Велика Британија и се откажаа од кралските должности.

„На Арчи Маунтбатен Виндзор му посакувам среќен втори роденден“ - беше објавено на профилот на Твитер на кралицата Елизабета Втора, а слични пораки упатија и дедо му на Арчи, принцот Чарлс, како и неговиот чичко и стрина, принцот Вилијам и Кејт Мидлтон, пренесува „Ројтерс“.


Иако сме навикнати кралското семејство за родендените на нивните членови да објавуваат нови фотографии, особено од децата кои јавноста нема можност често да ги гледа, оваа година новите фотографии од Арчи изостаа.

На профилот на кралицата Елизабета објавена е неговата прва заедничка фотографија по неговото раѓање на која е во рацете на своите родители. Од друга страна, Вилијам и Кејт се одлучија за заедничкиот портрет на најблиските членови на семејството, кој е направен за време на крштевањето на Арчи. Принцот Чарлс за роденден на својот најмлад внук упати честитка со фотографија на која е заедно со Хари и Арчи.

Сето ова ги подгреа сомнежите дека, иако по погребот на Филип се гледаше крајот на конфликтот помеѓу Хари и Меган и останатите члено, тоа сепак нема наскоро да се случи.


Арчи стана една од причините за влошување на односите помеѓу Хари и кралицата, откако Меган, чија мајка е црна, во интервјуто за Опра Винфри изјави дека неименуван член од кралското семејство прашал каква би можела да биде бојата на кожата на бебето.

Вилијам по тој повод негираше дека Виндзорови се расисти, додека кралицата издаде соопштение во кое е наведено дека прашањата за расата се загрижувачки, но дека „одредени спомени може да варираат“.


Меган која го очекува своето второ дете, порано оваа недела кажа дека Арчи и Хари се инспирација за нејзината нова книга, која ќе биде објавена следниот месец.


Објавена во: Совети // Семејство

Можеби ќе ве интересира: