Лина Пејовска го отпеа актуелниот хит на Сенида: Знаете ли што значи терминот „бехут“?
Сега сигурно нештата ви се појасни...
Нема потреба да зборуваме многу за Сенида, пејачката на која секоја песна ѝ станува хит по само неколку дена од објавувањето. Последна во низата е „Бехуте“, песна која со денови е помеѓу првите 10 видеа на трендинг на Јутјуб. За само две недели има повеќе од 8.5 милиони прегледи, а за нејзината популарност говори и бројот на кавери кои се појавија.
Кога сме кај каверите, и нашата Лина Пејовска даде свој печат на овој хит на словенечката пејачка. Младата пејачката уште покажа зошто важи за една од најактуелните млади ѕвезди во нашата држава, а за само еден ден има повеќе од 30.000 прегледи на видеото кое го објави на својот Инстаграм профил.
Сигурни сме дека и вие го потпевнувате барем еднаш во денот овој хит на Сенида, но дали сте се запрашале што значи терминот „бехут“? Ова можеби и беше најпребаруваниот термин од момент кога се објави песната, а доколку вие го немате пребарано, ние го направивме тоа зас.
Имено, зборот „бехут“ е турцизам кој опишува состојба на опиеност или несвестица. Во контекстот на песната на Сенида, Бехут е маж кој има силно емотивно влијание на жената поради која се чувствува скршено и немоќно.
Овој термин често се користи во Босна и Херцеговина како знак дека некој е премногу изморен или за некој кој испил премногу.
фото: Принтскрин/Инстаграм