Момче од Црна Гора им оставило порака на родителите: Секој крадец би сакал да наиде на ова

Додека било само дома, момче од Црна Гора решило да излезе надвор да си игра. За да не ги загрижува родителите оставило белешка пред станот.

„Излегов надвор, клучот е под чергата“, напишал тој.

Толку многу ги насмеал мајка му и татко му што ја споделиле пораката, па се појави на Инстаграм страната на Подгорички времеплов.

„Мојот син остави белешка на вратата што секој крадец би сакал да ја најде“, искрена е мајката на генијалното дете.

Додека едни се смееја на потегот на момчето, други од ракописот заклучија дека авторот на пораката не е дете.

„Ова се пренесува низ генерациите“, „Каков ни е животниот стандард, нема што да се украде“, „Вака оставаше и мајка ми и кога веќе не беше дете“, „Авторот е дете, а децата не се расипани“, „Добро е ова. Јас го заборавив клучот во бравата“, „Ова не е детски ракопис“, „Синот има 40-50 години, судејќи по ракописот“, напишаа  во дел од коментарите.