На Бен една работа почнува сериозно да му пречи и повеќе не ја крие: Дали ова може да доведе до крај на врската со Џеј Ло?
Џенифер Лопез и Бен Афлек вчера пристигнаа во Венеција во гламурозен стил на затворањето на 78-от филмски фестивал, кој завршува во сабота. Двојката се возеше во такси на вода, а Џенифер блесна во романтичен бел фустан од тантела.
За разлика од латино дивата која е навикната на папараците и која често соработува со нив, на Бен не му се допадна вниманието.
Актерот цело време бил намуртен, што забележаа и дежурните папараци. Како што неодамна пишуваа странските медиуми, на Афлек му пречи медиумското внимание, па во последно време сè почесто може да се види во јавноста со намуртено лице.
Да потсетиме, двојката ја помести свадбата во јуни 2003 година, наведувајќи го интересот на медиумите како причина. На крајот, тогаш немаше свадба, бидејќи двојката се раздели во јануари 2004 година, а причината за раскинувањето е тоа што Бен Афлек не можеше да се справи со притисокот на медиумите.
Голем дел од проблемите беше медиумската хистерија околу нивната врска, што актерот тогаш ја потврди.
„Морав да се насмевнам пред камерата, и бев многу вознемирен. Немав контрола над мојот живот, се чувствував како хрчак во кафез.“
Факт е дека откако ја обнови романсата со Џенифер Лопез, Бен веќе нема момент на приватност, а од изразите на лицето што често ги гледаме на фотографиите кои ги прават папараците, се чини дека тоа почнало многу да го нервира.