Не очекувала дека на луѓето ќе им се допаднат физиката и астрономијата: Студентка руши предрасуди на ТикТок

„Студирам физика која е тешка, н оне се разликувам многу од студентите од другите факултети, имам слободно време, разни интереси и хобија, не знам од каде доаѓа предрасудата дека физичарите не го креваат погледот од книга“ - вели Драговиќ.

Александра Драговиќ, студентка на Природно - математичкиот факултет во Нови Сад, привлекува големо внимание на ТикТок. Таа вели дека започнала да снима на оваа најбрзо растечка социјална мрежа на почетокот на декември 2020 година. Во ниту еден момент не очекувала дека ќе има скоро 54.000 следбеници.

„Областа што ја учам се нарекува физика со астрономија, која често ја комбинирам во еден збор, па кога некој ќе ме праша, велам астрофизика. Имам уште неколку месеци до крајот на студиите, а потоа се селам во Лондон, каде ќе продолжам со студиите на еден од најпрестижните факултети во Европа. Покрај факултетот, со години ја популаризирав науката и држев предавања за училиштата и јавноста во астрономското друштво во Нови Сад“ - вели таа.

Покрај физиката, во слободното време сака да црта, да слика, да игра игри, да чита… За ТикТок, вели таа, решила да снима затоа што ѝ се допаѓа тој формат на кратки видеа и смета дека таквата содржина може да го „привлече вниманието на сите".

# Зошто се решивте да правите мини видеа за физика на Тик Ток?

Забележав меѓу децата, дека има повеќе од нив кои се обраќаат кон теориите на заговор и псевдонаука од незнаење. Од теориите дека Земјата е рамна, до теориите дека Тесла е вонземјанин и патува низ времето, читам сè. Со мојата содржина, сакам да им помогнам на младите да стекнат способност да размислуваат критички и да ги преиспитаат информациите што се пласираат на социјалните мрежи, бидејќи денес најмногу ни се сервираат драматични и погрешни вести од науката само поради лајкови и прегледи.

@baby.squillo

Reply to @fhkkhfhlhggujj

original sound - astro aleks

# Ве следи голем круг на луѓе на кои им се допаѓа Вашата содржина, дали го очекувавте тоа?

Никако! Не очекував толку голема поддршка. На ТикТок се приклучуваме за да се одмориме и да „убиеме време“, не очекував дека луѓето ќе сакаат физика и астрономија во слободното време. Повеќето имаат аверзија кон физиката, бидејќи со неа се среќаваат само на училиште, и тоа на многу здодевен начин.

# Со какви предрасуди сe соочуваат и на какви предрасуди наидувате во коментарите на Вашите следбеници?

Предрасуди има милион. Во коментари, тие пишуваат дека кога ќе завршам факултет, ќе работам на пазар за минимална плата. Дека оваа наука не вреди за трудот. Често ми пишуваат дека „немам живот“ и дека сигурно немам пријатели, дека учам цел ден како „бубалица“. Машката популација на ТикТок обожува да ми кажува дека никогаш нема да се омажам, бидејќи никој не сака „бубалици“. Многу апсурдни коментари! Студирам физика, што е тешко, но не се разликувам многу од студентите од другите факултети, имам слободно време, разни интереси и хобија, не знам од каде доаѓа предрасудата дека физичарите не го креваат погледот од книга!

# Ве споредуваат со Шелдон Купер. Ви годи ли тоа, знаејќи дека тој е генијот од серијата која многу добро ја обработува физика? 

Искрено, не сакам кога ме споредуваат со Шелдон, бидејќи тоа со себе ги влече сите овие предрасуди за кои зборував и од кои сакам да се ослободам. Мило ми е што некој мисли дека сум генијалец како Шелдон, но честопати луѓето не мислат само на генијалец кога ме споредуваат со него, но исто така и на неговото однесување и карактерни црти. Од друга страна, морам да признаам дека Шелдон и јас малку личиме еден на друг по однесување и дека отсекогаш сум била малку „чудна“, но тоа не би го поврзал со физиката и ми е непријатно кога некој ги посочува тие мои „чудни“ црти. Моите врсници често ме исмеваа кога бев помлада.

# Дали вашите професори знаат дека имате Тик Ток и какви се реакциите?

Повеќето професори не знаат. Некои луѓе знаат дека правам нешто, но немаат идеја што. Една професорка започна да снима клипови за физика на ТикТок во исто време со мене, па така само таа е упатена и ме поддржува во тоа.

# На Вашиот профил нема само видеа за тоа што е физика, туку и предупредувања. Колку е важно тоа за Вас?

За мене е важно луѓето да не веруваат во сè и сешто. Денес навистина има сè на Интернет. Најдобар пример е дека многу луѓе мешаат астрономија и астрологија. Астрономијата ја проучува физиката на универзумот и таа е наука. Астрологијата и хороскопот ги поврзуваат небесните објекти со карактеристиките на луѓето, што е псевдонаука, или во буквален превод лажна наука, тоа е верување без научни докази. Направив и видеа за тоа колку се апсурдни теориите на заговор, но тешко е да се смени нечие мислење во едноминутно видео. Неодамна дознав дека постојат веб-страници кои наводно ви дозволуваат да именувате ѕвезди и да зимате големи пари за тоа. Како некој што се занимава со наука, знам дека тоа е невозможно, Меѓународната астрономска унија им дава имиња на sвездите според нивните карактеристики и телескопите со кои се пронајдени тие sвезди. Ниту едно лице не може да именува sвезда, па затоа ниту една компанија не може да ви наплати за таа услуга.

@baby.squillo

pojzi  ##fyp ##astroaleks ##nauka ##science ##danzaljubljenih

Paparazzi - Kim Dracula

# Како би го оцениле Тик Ток како социјална мрежа?

Не сум сигурнa што да мислам за ТикТок. Од една страна, алгоритмот е одличен и им дава шанса на сите. Од друга страна, корисниците, кои се претежно деца, често се изложени на расизам, хомофобија, насилство од врсници, порнографија и слично. Но, тоа не е проблем само на ТикТок, туку и на нашето воспитување. Кога ќе ги погледнам коментарите полни со омраза оставени на моите видеа, се згрозувам од помислата дека една млада личност може да напише такво нешто. Јас ќе му дадам на ТикТок 8/10, но 3/10 ќе дадам за содржината на Балканскиот ТикТок.

Извор: byka.com