Никој не е имун на корона: Еве како славните поминуваат време дома во карантин

За да се запре ширењето на коронавирусот, граѓаните ширум светот се самоизолираат, истото важи и за славните личности,  кои патем го споделуваат своето искуство додека поминуваат време дома, повикувајќи на единство.

Тие даваат пример како треба да се однесуваме во оваа нова ситуација, меѓу нив е и Лејди Гага, која преку социјалните мрежи објави дека е во изолација со своите кучиња.Под фотографијата на која позира, 33-годишната пејачка повика на единство и добрина.
„Мислам дека за многумина од нас ова е потсетник за тоа како да се биде човечко суштество. Мора да бидеме обединети на глобално ниво.“ - напиша Лејди Гага и додаде и дека сите можеме да создадеме лек со тоа што ќе научиме да бидеме љубезни и да се грижиме за себе и за другите во ова време.

Кортни Кокс се бори со досада во излоација со танц. Таа ги објави своите движења во видео на кое  вели: „Дали е тоа зошто Коко и Џони социјално се дистанцираат од мене?“ Мислејќи на нејзината ќерка Коко и нејзиниот вереник, гитаристот Џони МекДид.

Во карантин е и 46-годишниот супермодел Хајди Клум, кој ги чека резултатите од тестот за коронавирус. Додека да пристигнат резултатите, Хајди се изолирала од својот сопруг Том Каулиц.  Парот во услови на изолација,  разменува бакнежи преку стаклен ѕид.
„ Како и многумина од вас, јас бев болна цела недела и за жал, мојот сопруг кој се врати од турнејата пред неколку дена, исто така, се чувствува болен. Да бидеме сигурни, остануваме одделни сè додека не ги добиеме резултатите од нашите тестови за коронавирус (што конечно ги направивме денес) “, откри Хајди.

Откако сподели на социјалните мрежи дека се заразени со коронавирусот, актерот Том Хенкс и неговата сопруга Рита Вилсон, актерот се јави со слика од изолација: „Благодарам помагатели. Ајде да се грижиме за себе и за другите“, напиша Том под фотографијата.

Фотографии од дома споделија и Џастин Бибер, Аријана Гранде и многу други.