Подгответе се за големото финале: Нетфликс ги објави последните 5 епизоди од „La Casa de Papel“

Вториот дел од петтата сезона од популарната серија на Нетфликс „La Casa de Papel“ денес ја здогледа светлината на денот и со самото тоа оваа серија дојде до својот крај...

Последните 5 епизоди од популарната серија „La Casa de Papel“ денес пристигнаа на Нетфликс и обожавателите ширум свеотт ќе добијат одговори на интригантните прашања, кои ги мачеа досега, пишува „Firstpost“. Она што дефинитивно ги одбележа последните епизоди е смртта на Токио, која во првите пет епизоди од последната сезона ги растажи и шокираше обожавателите на серијата.

Смртта на Токио исто така прилично ги потресе и останатите ликови кои сега без неа ќе мора да ја завршат финалната кражба во Централната банка во Шпанија.

Секако, тоа нема да помине без компликации, бидејќи ќе мора да се соочат со војската која е испратена да ги ликвидира, а тука ситуацијата ќе биде уште полоша, бидејќи Алисија Сиера го има заробено Професорот, па тимот остана без својот лидер и својата главна потпора...

Како ќе се извлечат од ова? Што сѐ ги очекува? Кој ќе преживее? Тоа ќе може да го дознаете уште сега. Дали веќе ги изгледавте последните пет епизоди или се подготвувате тоа да го направите вечера или пак во текот на викендот?