Погледнете го трејлерот: Тејлор Свифт ги покажа своите актерски способности во новиот филм „Амстердам“!

Пејачката Тејлор Свифт се враќа на големото платно во криминалистичката драма „Амстердам“ во режија на Дејвид О. Расел. Тејлор ги покажа своите актерски способности во трејлерот објавен во средата, а исто така се појави и во голем број промотивни постери за претстојниот филм, во кој глумат и Маргот Роби и Кристијан Бејл.

Тејлор ќе ја игра Лиз, гламурозна млада жена која тагува по ненадејната смрт на нејзиниот татко. Во новиот трејлер, емотивната Лиз разговара со долгогодишните пријатели Бурт и Харолд (кои ги играат оскаровецот Кристијан Бејл и ѕвездата на „BlackKlansman“ Џон Дејвид Вашингтон) пред кафуле во Амстердам од 1930-тите. Таа неволно признава дека не верува дека нејзиниот татко починал од природна смрт и дека можеби има нешто позлобно во игра. „Не знам дали можам да зборувам за ова…“ вели Лиз. „Не прифаќам дека починал од природна смрт.“

Во трејлерот, Тејлор е облечена од глава до пети во темно зелена боја со кадифена марама околу рамениците и нејзината кадрава руса коса сместена во капа. Секако, таа носеше и црвен кармин - нејзиниот заштитен знак!