Понекогаш чувствувам како да умирам: Кендал Џенер прозборува за борбата со анксиозноста

Иако има милиони, Кендал Џенер нè потсетува дека и таа е само обична девојка која се соочува со проблеми како и сите останати во светот.

Американската манекенка Кендал Џенер (25) се отвори и реши да прозборува за своето ментално здравје во новото интервју за списанието Вог, чија насловна страна ја краси овој месец.

Имено, познатата манекенка и ријалити sвезда овој пат беше искрена во врска со својата борба со менталното здравје, откривајќи дека понекогаш се чувствувала како да „умира“ поради анксиозноста.

- Се сеќавам дека бев навистина мала, би рекла дека имав 8, 9 или 10 години и имав отежнато дишење и отидов кај мајка ми и и го кажав тоа - се сеќава Џенер за „Вог“.

Откри дека како што напредувала нејзината кариера, нејзината анксиозност се влошувала.

„Мислам дека прекумерната работа ме извади од контрола“, рече таа.

- Понекогаш чувствувам дека треба итно да ме пренесат во болница, бидејќи сметам дека срцето ми откажува, не можам да дишам и ми треба некој да ми помогне. „Понекогаш мислам дека умирам“, рече Кендал.

И покрај огромното богатство и успех на 25-годишната девојка, Џенер ги потсети сите дека и таа е само обична девојка.

- Не станува збор за тоа што некој има, се работи за тоа дека секој има чувства - заклучи таа.