Принцот Вилијам се допишувал со оваа светската ѕвезда пред Кејт Мидлтон: Не се појавил на договорениот состанок

Гласините за нивната онлајн романса ги исполнија колумните во весниците, но Бакингемската палата цврсто ги демантираше

Принцот Вилијам се ожени со Кејт Мидлтон, а она што малкумина го знаат е дека нејзиното место за малку ќе го заземеше поп-ѕвездата Бритни Спирс.

Имено, во времето на нејзината најголема слава, Бритни имаше онлајн романса со идниот наследник на британскиот трон, принцот Вилијам.

Спирс откри дека разменила мејлови со принцот, го барала на состанок додека била на турнеја во Велика Британија, но таа романтична средба никогаш не се случила.

- Извесно се допишувавме по електронска пошта и требаше да се сретнеме лично, но тоа не се случи - изјавила Бритни во шоуто на Френк Скинер во 2002 година, велејќи дека Вилијам не се појавил на договорениот состанок.

Бритни откри дека никогаш не ја дознала причината поради која принцот се предомислил, а потоа британските таблоиди напишале дека наместо да оди на состанок, отишол на лов на лисици. Гласините за нивната онлајн романса ги исполнуваа колумните во весниците со месеци пред нејзиното интервју, но Бакингемската палата цврсто ги демантираше.

Минатиот септември, кралскиот биограф Кристофер Андерсен откри уште повеќе детали за нивната романса.

- Вилијам и Бритни се обидоа да се сретнат кога беа млади. Многу пати разговарале на телефон, но не се сеќавам дека во тој период се виделе лично – напиша Андерсен во својата книга „Браќа и сопруги: приватните животи на Вилијам, Кејт, Хари и Меган“.

Инаку, Вилијам почнал да се гледа со сегашната сопруга Кејт Мидлтон во 2003 година, а Бритни во тоа време штотуку раскинала со Џастин Тимберлејк.

Бритни потоа се омажи за својот сакан од детството, Џејсон Ален Александер, а потоа се омажи за Кевин Федерлајн, со кој имаше два сина, но и нивниот брак заврши со развод.

Таа годинава по трет пат застана пред олтарот со моделот и танчер Сем Асгари, со кој е во врска од 2016 година.

Извор: 24sedam.rs