Родендени за малите принцези борци на Одделот за педијатрија во Систина: Што поскоро да заминете дома каде што ве чекаат многу подароци
Одделот за педијатрија на приватната болница Систина води посебна грижа за своите малечки пациенти.
Две преубави девојчиња изминативе денови добија изненадување за своите родендени.
Надиа го прослави својот 4-ти роденден како вистинска принцеза.
„Роденден како од бајка – еве вака се славеше денес во педијатрискиот стационар. Малата Надиа инспирирана од цртаниот филм „Убавицата и ѕверот“ изгледаше како вистинска убавица. Таа заедно со медицинските сестри и докторките го прослави својот 4. роденден. Насмевки на лицата, роденденска торта и желби за посета на Дизниленд. Драга Надиа, посакуваме секој ден да ти е бајка! Среќен роденден!“
Преслатката храбра Сара својот седми роденден го прослави со преубава роденденска торта, песна и насмевка на лицето.
Ви посакуваме што поскоро оздравување и заминување дома, мали и храбри убавици!
