Родителите го оставиле кога имал само 4 години: Стефан Лазаров му помогна на Неџат да започне нов живот (ВИДЕО)

Јутјуберот Стефан Лазаров несебично му помогна на својот обожавател...

Пред 5 дена, на јутјуб каналот на Стефан Лазаров се појави ново видео со наслов „Тажната приказна на Неџат“. Во него, 18-годишното момче ја раскажа својата животна приказна и тешкиот живот кој го имал до тогаш. Преку ова видео, јутјуберот испрати апел со сите негови пријатели и следбеници, да му помогнат на Неџат, кој воедно е и негов обожавател. Сѐ што побараа беше работа и место за живеење на ова вредно момче.

По само неколку дена од објавувањето на видеото, Неџат го доби тоа, но и многу повеќе. Сега тој веќе има место за живеење, а оди и на пробна работа, на која, како што откри Стефан ќе биде одлично платен, ќе има здравствено осигурувања, како и сите останати бенефиции кои што имаат сите вработени.

Неџат не го криеше своето воодушевување и среќа поради тоа што има работа, но и место за живеење, кое иако уште не е сосема функционално, како што извести јутјуберот, многу наскоро ќе биде 100 проценти во функција.

Како што посочи и претходно Стефан, ова момче не е единствено кое се соочува со ваков проблем, но доколку секој еден од нас, кој секако е во можност, помогне на било каков начин барем на едно дете која ја има истата животна приказна како Неџат, светот дефинитивно би бил подобро место за живеење.

фото: Принтскрин / Јутјуб