Соработникот на Маркус и Мартинус во затвор поради убиство: Многу ни е жал
Обожавателите на Маркус и Мартинус обично се среќни, кога нивните идоли ќе добијат малку простор во медиумите, но тоа не е случај овој пат. За жал, нивните имиња се споменуваат поради момчето кое е нивен поранешен соработник. Имено, раперот Силенто, кој ни е познат по својот сакан хит „Like It Like It“, заврши во затвор за убиство!
Силент, поточно Рики Хок е обвинет за убиство на неговиот 34-годишен братучед, Фредерик Рукс. Иако тој не е официјално осуден, сега се чини дека има малку шанси да излезе и да докаже дека не сторил ништо лошо.
Според полицијата на округот Декалб во американската држава Џорџија, Силенто бил уапсен во понеделникот, десет дена откако несреќниот Фредерик бил пронајден облеан во крв и умирал. Тој бил погоден во главата и ногата и немало шанса лекарите да го спасат.
Today, Ricky Hawk, 23, was arrested for the murder of his cousin Frederick Rooks, 34. On January 21, the DeKalb County Police Department investigated Rooks' death after he was found shot on Deep Shoals Circle. Hawk is in the DeKalb County Jail charged with Murder. #WeAreDKPD pic.twitter.com/AfaA8CtXgx
— DeKalb County Police Department (@DeKalbCountyPD) February 1, 2021
За ова убиството нашироко се пишува во најголемите светски медиуми, како што е Би-Би-Си, иако тамошните медиуми, за разлика од норвешките, воопшто не ја споменуваат неговата поврзаност со Маркус и Мартинус.
Всушност, тој е многу попознат ширум светот по неговиот единствен хит „Watch Me (Whip / Nae Nae)“, кој го објави во 2015 година. Сепак, од тогаш тој многу ретко објавуваше песни и целосно падна во заборав.
Интересно, момците проговорија за ова ужасно злосторство, иако е јасно дека тие немаат никаква врска со целата приказна. „Многу е тажно да се слушне дека Силенто е дел од ваков сериозен инцидент“ - велат момците во изјавата. „Ние дури и немавме контакт со него од кога соработувавме во 2017 година.“ Единствено момците го виделе во декември истата година, затоа што со него снимале видео за „Like It Like It“ во Лос Анџелес.
