Тие ги отворија училиштата и сега повеќе од 1.000 ученици мора да се во карантин

Според податоците на универзитетот Џонс Хопкинс, во вторникот биле потврдени 46.808 новозаразени во САД, а како последица од коронавирусот починале уште 1.082 личности.

Повеќе од 1.000 ученици од едно подрачје во Џорџија, САД ќе мора да се во карантин откако е потврдено дека најмалку 70 личности од разни училишта заболеле од коронавирусот овој месец. Во карантин се и 38 членови на персоналот од десетина училишта.

Во ова подрачје училиштата се отворени на 3 август, а наставата во училишните клупи ја следеле 30.000 ученици.

Бројни потврдени случаи се забележани во средното училиште „Etowah“ во Вудсток, Џорџија. Во вторникот е објавено дека ова средно училиште привремено се затвора, но се надеваат дека наставата повторно ќе се одржува од 31 август.

„Оваа одлука не беше лесно да се донесе. Од утринава бројот на позитивни случаи во училиштето се зголеми на вкупно 14, а тестовите за уште 15 ученици се во процес на изработка“ - порачаа од училиштето и додадоа дека моментално во карантин се 294 ученици и членови на персоналот, но очекуваат дека тој број ќе се зголеми кога ќе дојдат резултатите од тестовите кои се во процес на изработка, пренесува ABC news.