Учење за големи тестови: 5 работи кои не смееш да ги правиш кога учиш за државна матура

Како се приближува крајот на училишната година, така матурантите се со сѐ поголем стрес над главата...

По зборувањето државната матура изгледа многу пострашна од тоа што е. Секој кој во последните 4 години од школувањето барем малку внимавал на наставата и добивал позитивни оценки на одговарањата и тестовите, може без проблеми да ја положи и државната матура.

Но, тоа не значи дека не треба да се подготвуваш. Треба и за неа за учиш и да го повторуваш знаењето, а ова се 5 работи кои не смееш да ги правиш кога учиш за матура (но, и за другите големи испити и тестови):

# Да го одложуваш почетокот на учењето

Не е најпаметно секоја недела си ги кажуваш истите работи како „има уште време“ или „ќе успеам да завршам сѐ“. Да, има уште време, но имај на ум дека треба да го прочиташ материјалот по неколку различни предмети. Дури иако некои ги знаеш добро, на пример англиски, и мислиш дека тука нема што да учиш, не е штета доколку ја поминеш граматиката и се присетиш на правилата. Иако одиш на подготовки, тоа не значи дека не треба и дома да се подготвуваш. Иако има време, доколку направиш распоред и добро го организираш времето и почнеш да учиш на време, нема да бидеш под стрес кога ќе дојде матурата. Веќе сме на половина од месец април, па крајно време е полека да почнеш да правиш план и да се „фрлиш“ на учење.

# Секој ден да бидеш под стрес

Стресот нема да ти биде од помош. Времето кое го поминуваш во размислување за тоа дали ќе паднеш и како ќе успееш да научиш сѐ, можеби е подобро да го искористиш за учење. Обиди се да размислуваш позитивно и наместо само да плачеш над својата судбина или да се жалиш дека имаш многу за учење - почни да учиш. Секој ден по малку и тоа е некој почеток. Затоа е многу корисно да се направи план за учење со оглед на количината материјали и тично по денови да одредиш што и колку ќе учиш.

# Да го потценуваш материјалот што треба да го научиш

Затоа што матурата не е толку страшна, не значи дека се доволни неколку дека за да го поминеш материјалот и да добиеш петка. Доколку имаш добри оценки, редовно учиш и ја следиш наставата, да, веројатно ќе ти биде полесно, бидејќи сѐ што ќе треба да направиш е да се потсетиш на сето тоа. Добивањето на пролазна двојка не е прифатливо, бидејќи тоа не ти гарантира добар просек, кога е запишувањето на факултет во прашање. Колку подобро ќе напишеш, толку ти се поголеми шансите да влезеш во државна квота на факултетот на кој сакаш да се запишеш. Не го потценувај материјалот, не баш мал. Не учиш само за еден предмет, туку за неколку.

# Не ги гледаш минатогодишните и постарите тестови

Најголемата грешка која можеш да ја направиш е да не погледнеш повеќе стари тестови од државната матура. Освен што некои прашања се повторуваат, можеш да сфатиш и каков тип на прашања ќе доминира, кои задачи по математика се најтешки, а тоа ќе ти помогне и да одредиш на што повеќе да се сконцентрираш, додека повторуваш и учиш. Освен тоа, тоа ќе ти помогне и да видиш колку навистина знаеш, доколку се обидеш да решиш некој минатогодишен тест. Пронајди ги сите материјали и стари тестови и помини ги со разбирање.

# Да се префрлаш од еден предмет на друг

Ова е рецепт за апсолутен хаос во главата. Кога ќе сфатиш дека немаш доволно време,во паника ќе започнеш да учиш од сѐ по малку. Изгледа како добар план, бидејќи ќе опфатиш многу повеќе во што помалку време, но не е така. Сѐ ќе ти се измеша и во твојата глава ќе настане хаос. Затоа планирањето е важно. Одреди недела или недели во кои ќе учиш само мајчин јазик, а кога некој друг предмет, кој треба да го полагаш. На овој начин ќе ти биде полесно да запомниш.

фото: Dragon Images / Shutterstock