(ВИДЕО) Музички новитет: „Комета“ е новата песна на Александра Јанева
Александра Јанева го објави видео спотот за третата соработка со Иван Јованов Iwayo.
Новиот сингл носи наслов „Комета“ и е секојдневна женска приказна со летен ритам. Зад текстот повторно се потпишува Александра Јанева, а музиката, аранжманот, миксот и мастерот се на Иван Јованов Iwayo.
Видеото за песната е снимено од Pinestel продукција на Пеце Здравковски и Ѓорги Вацев. За изгледот на пејачката и овој пат се погрижи познатата стилистка Милена Танаскоска.
„Комета“ е четвртиот сингл на Јанева за оваа година, но останува да видиме дали тука е крајот на музичките новитети во 2019-та.
