Вртоглаво скапи чевли со детаљ што го имаше во секоја куќа во 90-те: Дали би носеле вакво нешто?

Сандалите Bottega Veneta со детаљ од телефонска жица ги подели мислењата, но не ја намали желбата на модните експерти да ги носат.

Скапиот бренд за висока мода, Bottega Veneta, неодамна лансираше необични сандали кои веќе се распродаваат со молскавична брзина.

Станува збор за модел кој може да се најде во две исклучително популарни бои, сината и онаа што стана заштитен знак на Венета - зелената.
Додека црвената е позната како заштитен знак на Louboutin, портокаловата се поврзува со чантите Hermes, а сината е ставена под куќата на Тифани, Венета нејзиниот потпис го комбинирала со темно зелена, позната и како Ботега зелена.

За тоа е заслужен поранешниот 35-годишен креативен директор Даниел Ли, кој пред неколку дена најави заминување, по три години на чело на оваа куќа на водечка позиција.

Деталите од претходните колекции, а особено необичните сандали, отсекогаш се истакнувале како тренд во светот на модата, а истото се случи и овој пат. Позната по диктирањето на новите трендови, но и по усогласувањето со текот на модерниот свет, Ботега Венета често предизвикува поделеност на мислењата со своите модели на сандали.

Дали се сеќавате на оние со мрежести детали или на оние што наликуваат на апостолки?

Сандали на потпетица од девет сантиметри, на врзување, со детали во форма на спирала, поточно телефонски жици, и овој пат го привлекоа вниманието на јавноста.

 Имавме можност да видиме интересен дизајн на телефонската жица на ланчињата од истиот бренд. 

Остануваат само неколку изданија на овие чевли, нивната цена е 1.390 долари, а моделот е достапен во две бои, темно зелена и сина.

извор:wanted.mondo