Започнаа уписите на факултетите: Колку слободни места има за прием на нови студенти?

Се одлучивте ли веќе каде ќе го продолжите вашето образование?

Денес и утре е пријавувањето на кандидати кои се рангираат според успех од средно и според проверка на знаења и умеења додека само за оние кои се рангираат според успехот од средно пријавувањето е на 31 август и 1 септември.

10.678 е бројката за слободни места за прва година додипломски студии на УКИМ.

На факултетите на Универзитетот „Св. Кирил и Методиј“ во Скопје, во прва година додипломски студии во учебната 2021/2022 година се слободни вкупно 10.678 места од кои 5.247 се за редовни студенти кои ќе плаќаат 200 евра членарина.

Останатите, 4.366 се за редовни студенти со кофинансирање, а 1.065 места за вонредни студенти.

фото: Фејсбук