Заради филмот „House of Gucci“ е главен во Венеција: Момчето од Белград кое го знаеме како детето од Киндер чоколадото ги освојува љубителите на филмот

Неговото лице го знаеше секое дете и тинејџер во текот на деведесеттите години, бидејќи ја красеше обвивката од чоколадата Киндер. Алесандро Егер е белграѓанец од Баново Брдо, кој со семејството заминал во Италија пред неколку години, каде што гради прекрасна кариера.

Тој ужива статус на познат манекен и модел, но и актер кој дели кадри со некои од најголемите актерски имиња, како во Италија, така и во светот, како што е Кристофер Ламберт. Така и сега се најде во друштво на познати личности на Филмскиот фестивал во Венеција.

Овој пат беше во друштво на британската маркиза Ема Вејмут.

Извор: Profimedia

Неговото доаѓање, меѓу другото, се должи на филмот за Гучи, бидејќи му беше доверена и една од улогите во претстојниот филмски хит. Пред тоа, тој имаше помали улоги во неколку продукции, а како тинејџер глумеше во серијата „The Band“.

Она што засега е познато е дека ќе игра улога на човек од светот на модата во филмот „House of Gucci“, но сè уште нема навестувања за неговиот лик. Сигурно е дека на сетот со снима со Лејди Гага, Адам Драјвер, Ал Пачино и другите светски познати фаци.

Извор: Profimedia

Досега учествувал на повеќе од 50 модни ревии, соработувал со реномирани брендови како „Версаче“, „Долче и Габана“, „Армани“, „Монклер“, „Зениа“, „Трусарди“, „Москоно“, „Келвин Клајн“, а што се однесува до сериите, тој посочува дека најпозната е „The Band“, во која тој го глумеше ликот на Ник, заводник и еден од членовите на тинејџерски бенд.

„Сакам забава и контакт со уметност, сакам да пробувам сè што се врти околу уметноста, и да бидам со уметници, има многу да се научи од актери како Кристофер Ламберт, од модни дизајнери како Донатела, Доменико Долче. Сите тие влегоа во мојот живот, а јас сум сунѓер, гледам и учам сè. Дружењето со нив е секогаш убаво, особено со големи имиња, учиш како сите тие живеат во моменти кои воопшто не се фенси или што се гледа на телевизија, сакаат да уживаат во природата и навистина има многу да се научи од нив. Знаете, сите тие се многу љубезни и никогаш не се однесуваат како sвезди“ - изјави Алесандро за Блиц.