Живеат од 6.000 денари: Малата Бојана ја удри кола, а починати ѝ се и родителите

фото:RINA

Со баба им живеат од 6.000 денари.

Десетгодишната Бојана М., која пред две ноќи беше погодена од возач на „голф“ во близина на основното училиште „Танаско Рајиќ“ кај Чачак, Србија, е во стабилна состојба и не опасна по живот, наскоро треба да биде пуштена на домашно лекување. Нејзината баба, со која одела во продавницата во моментот на несреќата, е исто така во стабилна здравствена состојба.

Семејството на оваа девојче ги снашло многу тага во животот, Бојана и нејзината сестра останале без двајцата родители, а за нив се грижи бабата Милисавка, која им е и татко и мајка.

- Веста дека мојата Бојана ја удрил автомобил, ни сама не знам како ја издржав во тој прв момент. Беше во продавница со другата баба, од нејзината покојна мајка. Единствено што е важно е дека моето дете е живо и дека нема да има никакви последици. Нашето семејство го снајде многу несреќа, само се надевам дека Господ ќе ги заштити моите внуки - изјави за РИНА, бабата на Бојана, Милисавка.
Двете девојки се сè на светот за оваа жена, таа останала без сопруг многу рано, а потоа и без син и снаа. Сепак, таа не се жали, туку прави сè за своите внуки, но административната борба за добивање на старателство е многу тешка и неизвесна.

- Навршив 65-годишна возраст, но сепак ми требаат неколку месеци работно искуство за да добијам минимална пензија. Ова лето девојчињата добија семејна пензија од 12.000 динари односно 6.000 денари, а засега тоа е единствениот наш постојан приход. Јас работам со скратено работно време кога има работа, се снаоѓаме како што треба и не се жалиме. Задоволни сме со само малку што сме заедно. Ги воспитував од рана возраст и ќе ни се скрши срцето на сите ако се разделиме.. Можеби немаат некој луксуз овде, но го имаат она што им треба - вели оваа баба, херој.

Инаку, на делот од патот каде возачот на „голфот“ удри жена и дете (Бојана и баба ѝ), има училиште во кое учеле ученици од прво до четврто одделение, а локалното население повеќе пати предупредувало на арогантни возачи кои не ја почитуваат брзината на улица. На патот што води кон училиштето недостасува дел од пешачката патека, со вкупна должина до 500 метри, на бескрајната кривина каде беа повредени бабата и внуката.