Зошто Божиќна честитка од виртуелен робот, наместо од кралицата Елизабета: Необичен потег со скриено значење

Британската телевизија Канал 4 направи прилично необичен потег кога станува збор за кралицата Елизабета Втора....

Додека традиционалното Божиќно обраќање на кралицата до нацијата гледачите го гледаа во живо на Би-Би-Си и ИТВ, Канал 4 реши да ја емитува пораката на Елизабета Втора со нејзиниот дигитален двојник создаден со употреба на „deepfake“ технологијата.

Додека Канал 4 објаснува дека целта на овој необичен потег е да се испрати предупредување до јавноста поради големиот број лажни вести со кои сме преплавени од сите страни во овие дигитални времиња, од Бакингемската палата, на ова не дадоа никаков коментар.

„Deepfake“ технологијата се користи за создавање на многу убедливи, но комплетно измислени видеа, кои често се користат за ширење дезинформации, потсетува Би-Би-Си.

Достапната технологија „deepfake“ овозможува и лажирање на гласот, но гласот на кралицата сепак го позајми актерката Дебра Стивенсон, која претходно оваа година го толкуваше нејзиниот лик во една куклена претстава.

Технологијата на „deepfake“ својата популарност ја доби во 2018 година, кога програмерите, со помош на напреднатата вештачка интелигенција, создадоа софтвер што може да претставува една личност како некој друг со замена на лица.

За кратко време, технологијата стана уште пошироко распространета и подостапна, па денес има бројни апликации во кои е потребна само една фотографија за да се „стави“ туѓа глава на телото на позната холивудска ѕвезда. А, меѓу светските државници, досега предмет на лажни манипулации биле Владимир Путин и Доналд Трамп.

Потегот на Канал 4 наиде на бројни критики, а дигиталниот асистент на Амазон, Алекса, се погрижи целата приказна за Божиќното обраќање да биде уште „hi-tech“.

Сите корисници на тој уред, освен на традиционалните медиуми и интернет страниците, можеа да го слушаат говорот на кралицата преку него.

Сѐ што треба да сторат е да му се обратат на Алекс со гласовната команда „Алекса, пушти ја порака за Божиќ на кралицата“.