Ѕвезди кои се родени на петок 13-ти: Тие се богати, успешни и воопшто не се несреќни, како датумот кога се родени
Тие се родени на наводно најнесреќниот датум, но напротив - благословени се...
Дали и вие денес ги избегнувате црните мачки и се плашите ли од се и сешто, само затоа што денес наводно е несреќен ден?
Ако сте една од оние личности кои веруваат дека петок 13-ти е проколнат ден, смирете се, бидејќи ви носиме листа на ѕвезди кои се родени токму на таков ден, петок 13-ти. Иако се родени на наводно среќен ден, тие се успешни, познати и богати.
# Мери Кејт и Ешли Олсен
Светот ги памети по улогата во „Full House“. Девојките се родни на 13 јуни 1986 година. Актерките и претприемачки се едни од најбогатите во светот на шоу-бизнисот, а нивното богатство се проценува на половина милијарда американски долари.
# Кет Денингс
Актерката која остана запаметена како дел од ситкомедијата на CBS, е родена како близначките Ослен - на 13 јуни 1986 година. Убава девојка, со добра кариера, има прекрасно момче и во потполност го живее животот. Па, сега вие кажете дали е несреќа да се родиш на петок 13-ти.
# Џулија Луис Драјфус
Таа е родена на 13 јануари 1961 година, а денес ѝ е роденден. Најмногу ја паметиме по улогата во популарната американска серија „Seinfeld“. Освои „Еми“, има успешна кариера, но е среќна и на приватен план. Во брак е од 1987 година, има две деца и води среќен и исполнет живот. Еве уште една „несреќна девојка“, родена на петок 13-ти.
# Стив Бушеми
Роден е на 13 декември 1957 година, го паметиме по улогите во филмовите на Тарантино, а неговото лице е исто така популарно меме на Интернет. Овој 65-годишен маж зад себе има многу исполнет живот и успеси. Дали почнувате да забележувате дека петок 13-ти може да биде среќен ден?
# Кристофер Пламер
Овој актер, кој почина пред 2 години, е роден на 13 декември 1929 година. Во својата шестдецениска кариера, тој освои сè што можеше да се освои: од Оскари, Еми, Тони, Златни глобуси, награди на здружението на актери и многу повеќе.
# Лили Рајнхарт
Родена е на 13 декември 1996 година. Иако е многу млада, таа веќе 10 години е во светот на шоубизнисот и актерството. Најпозната е по улогата на Бети Купер во серијата „Riverdale“. Таа е млада, убава, успешна и веруваме дека ја очекуваат значајни достигнувања, како на приватен, така и на деловен план.
фото: Принтскрин / Инстаграм