17 починати пациенти примиле вакцина од производителот „Синофарм“: А, во периодот од 8 до 14 октомври од коронавирус кај нас починале 105 пациенти

17 починати пациенти примиле вакцина од производителот „Синофарм“: А, во периодот од 8 до 14 октомври од коронавирус кај нас починале 105 пациенти

Објавена во: Живот // Живот

Според податоците од Министерството за здравство, најголем број од лицата кои биле вакцинирани и кои починале од коронавирус имале кардиолошки заболувања и дијабет. Останатите имале белодробно заболување, бубрежно заболување, невромускуларно заболување, хипотироидизам и малигно заболување.

Имено, во периодот од 8 до 14 октомври од коронавирус починале 105 пациенти, а 75 % од нив не биле вакцинирани. Од вкупно починатите пациенти во овој период 26 пациенти биле вакцинирани, а само еден од починатите немал хронично заболување и имал 80 години, информира Министерството за здравство.

Двајца од починатите пациенти биле вакцинирани со вакцината на „фајзер“, тројца со вакцината на „астразенека“, четири починати пациенти примиле вакцина „синовак“, а 17 пациенти примиле вакцина од производителот „синофарм“.

Министерството за здравство информира дека неделно ќе ја информира јавноста за починати лица со Ковид-19 кои биле комплетно вакцинирани, какви хронични заболувања имале починатите и колку од починатите со каков тип вакцина биле вакцинирани. За комплетно вакцинирани се сметаат лицата кои примиле две дози вакцина, а од ревакцинацијата поминале повеќе од 14 дена.

Објавена во: Живот // Живот

Можеби ќе ве интересира: