Мили Боби Браун - ѕвездата од серијата „Stranger Things“ стана најмладаta амбасадорка на UNICEF

Актерката Мили Боби Браун, ја доби најважната улога во својот живот – таа стана најмладата амбасадорка на UNICEF. Оваа 14 годишна британска ѕвезда, која публиката ја познава од серијата Stranger Things, деновиве оствари соработка со глобална организација UNICEF.

Мили ќе ја искористи платформата за подигнување на свеста за правата на децата и проблемите со кои тие секојдневно се среќаваат.

„Огромна е честа да се придружам на импресивната листа  луѓе кои изминативе години го поддржаа UNICEF. Се радувам што ќе запознавам, деца и млади и ќе ги слушам нивните приказни. Ќе зборувам гласно во име на оние на кои тоа им е оневозможено.“, изјави младата актрека.