Адел го објави новиот спот: Многумина велат дека е најраскошниот досега
Британската пејачка Адел минатата година, по шест години пауза, објави нов албум под назив „30“, а сега за една од песните од тој албум објави и спот, кој веднаш ги воодушеви сите.
Еден од оние моменти кои најмногу ја одбележаа минатата година, сигурно е албумот „30“ на пејачката Адел, кој го сними по паузата од шест години. Токму на тој албум се наоѓа песната „Oh My God“, за која Адел пред неколку дена објави и спот и потполно ги воодушеви своите обожаватели, а некои од нив дури тврдат дека е најраскошниот кој досега го објавила, пишува „Bustle“.
Во овој спот можеме да ја видиме Адел како лидер на хаотичен, но прекрасен циркус кој се состои од танчери, гимнастичари, деца, коњи, столчиња... Потполно „рандом“ личност и работи кои некако совршено се вклопија. Пред крајот на спотот можеме да видиме едно столче како гори што оваа песна ја поврзува со песната „Rolling In The Deep“ на режисерот Сем Браун, кој беше задолжен и за најновиот спот на Адел.
I got to work with Sam Brown again for ‘Oh My God’ who directed the ‘Rolling In The Deep’ video! So to collaborate together again a decade later was nostalgic to say the least. We filmed this one on the day Easy On Me dropped, there were a million things going on all at once. pic.twitter.com/CXyigodfHe
— Adele (@Adele) January 12, 2022
Адел на својот Твитер напиша прилично се забавувала на снимањето на спотот, но признава дека побегнала кога на сетот здогледала огромен питон.
But the attention to detail from the crew was borderline hilarious - thank you so much for your patience and pulling it all together it was a lot of fun Although right at the end a huge python was on set so I skidaddled my arse straight out of there!
— Adele (@Adele) January 12, 2022
„Oh My God“ досега има повеќе од девет милиони прегледи на Јутјуб и можеме да кажеме дека е сите кои го погледнале се прилично воодушевени.
„Оваа песна никогаш нема да ми здодее колку и да ја слушам“, „Глас, талент и креативност... Сето тоа може да ја најде овде. Секоја чест“, „Оваа песна е како бесплатна терапија. Вокалите многу опуштаат. Какво ремек дело“ - се само некои од коментарите под видеото.
