„Аладин“ доаѓа на големото платно: Поглетнете кој го глуми Духот од ламбата!

Disney конечно на гледачите одблизу им го покажа Духот од ламбата на Аладин и тоа во првиот трејлер за филмуваната верзија.

„Аладин“ ја следи приказната на анимираниот филм, но се додадени и некои нови ликови. Светската премиера е закажана за 24 мај.

Филмот е сниман на неколку локации и тоа во Лондон и Јордан, во режија на Гај Ричи. Духот од ламбата го игра Вил Смит, релативно непознатиот египетско-канадски актер Мена Масуд е Аладин, додека во улогата на Јасмин е Британката Наоми Скот.