Samsung Electronics ја претстави визијата AI Home на настанот Welcome to Bespoke AI
Samsung Electronics ја претстави својата обновена визија AI Home и иновативната линија на уреди на глобалниот настан Welcome to Bespoke AI, одржан во Сеул, Јужна Кореја. Со фокус на обезбедување побезбедно и поинтуитивно корисничко искуство, компанијата го претстави искуството AI Home, прикажувајќи напредни AI функционалности и поширока понуда на уреди со екрани.
Џонг Сеунг Мун (Jeong Seung Moon), извршен потпретседател и раководител на тимот за истражување и развој во одделот за дигитални уреди на Samsung Electronics, ја отвори глобалната прес-конференција претставувајќи ја визијата на компанијата за создавање AI Home што хармонично ги поврзува различните уреди и на тој начин одговара на потребите на корисниците во секоја просторија од домот.
„Преку нашите Bespoke AI уреди, Samsung создаде AI Home што не само што ја подобрува секојдневната удобност, туку истовремено овозможува и заштеда на енергија и грижа,“ изјави Џонг Сеунг Мун. (Jeong Seung Moon). „Ќе продолжиме да ја прошируваме оваа напредна AI Home визија во сè повеќе домови, користејќи паметни екрани, Bixby и Knox безбедносна заштита.“
Линијата на Bespoke AI уреди за 2025 година
За време на настанот, Samsung ги претстави своите Bespoke AI уреди за 2025 година, кои носат нови и иновативни функционалности за решавање на тешките секојдневни проблеми на корисниците.
Во срцето на визијата на компанијата се наоѓа AI Home екранот[1]. Изграден врз основа на иновацијата со неговото прво претставување минатата година, AI Home сега е достапен во нови големини и е проширен на широк спектар на нови производи, како што се Bespoke AI фрижидерите, Bespoke AI Laundry Vented Combo, машините за перење и сушење алишта.[2]
9-инчниот AI Home екран на линијата Bespoke AI фрижидери им нуди на потрошувачите повеќе опции, овозможувајќи слично искуство како и кај поголемиот AI Family Hub™ екран. Со надградената AI Vision Inside[3], управувањето со храната е подобрено преку нови функционалности, како автоматско препознавање на преработени прехранбени производи[4] — достапно и за моделите со AI Family Hub™ и за оние со AI Home. Преку 7-инчниот AI Home екран на Bespoke AI Laundry, корисниците можат интуитивно да ги контролираат циклусите на перење и сушење, како и да следат и управуваат со другите поврзани уреди.[5]
Дополнително, новите Bespoke AI уреди носат унапредени функционалности што се приспособуваат на потребите на потрошувачите. На пример, Bespoke AI Hybrid фрижидерот користи вештачка интелигенција за ефикасно ладење на внатрешноста, детектирајќи го тековниот статус и предвидувајќи промени во внатрешната температура за оптимално приспособување на ладењето.
Bespoke AI Laundry нудат нови функции за поголема удобност, со нови самостојни модели кои ја надградуваат технологијата AI Wash и AI Dry во AI Wash+ и AI Dry+[6]. Дополнително, ќе бидат претставени и модели за европскиот пазар, кои користат до 55% помалку енергија од минималните барања за класа A за машини за перење. [7]
Samsung продолжува со иновации и во линијата на правосмукалки. Безжичната stick правосмукалка Bespoke AI Jet Ultra ќе биде лансирана со најмоќната сила на вшмукување[8] во светот — до 400W[9]. Надградениот AI Cleaning Mode 2.0[10] препознава уште поголем спектар на средини[11], како што се ќошиња[12] и различни типови теписи[13], со што се овозможува уште поефикасно чистење.
Samsung ја претстави и Bespoke AI Jet Bot Steam Ultra[14]. Оваа робот-правосмукалка не само што е дизајнирана да се искачува преку прагови, туку е и надградена со AI препознавање на објекти во сложени средини[15] — со способност да препознае пречки од само 1 см, како и проѕирни течности[16], со што се постигнуваат подобри резултати при чистењето. Кога ќе наиде на ќошиња или ѕидови, четката автоматски се извлекува за да исчисти површини што се предизвик и за стандардните робот-правосмукалки.
Апаратите за домаќинство на Samsung носат едноставност, грижа и заштеда за корисниците
Samsung уште повеќе ја разработи својата визија AI Home и својата посветеност кон интеграција на вештачка интелигенција во поврзаното корисничко искуство, со цел да одговори на различните стилови на живот — преку трите клучни придобивки: едноставност во користењето, грижа и заштеда.
Надградениот Bixby овозможува полесна контрола на уредите преку гласовни команди и ја подобрува употребливоста со нови функционалности, како што е Voice ID[18]. Оваа функција ги персонализира услугите преку препознавање на гласот на корисникот, автоматски префрлајќи се на Samsung профилот на говорникот и прикажувајќи го неговиот календар на екранот. Ако таа личност користи и опција за слаб вид на својот Galaxy паметен телефон, таа поставка автоматски се синхронизира и со екранот на уредот, обезбедувајќи подобро визуелно искуство.
На настанот беа претставени и нови услуги на SmartThings, меѓу кои и Family Care[19] — функционалност што испраќа известување до останатите членови на семејството доколку не се детектира движење на корисникот во однапред определено време, или ако нема активност одреден период по последното движење. Можно е и да се искористи робот-правосмукалката за проверка на потенцијални итни ситуации, при што целата оваа функционалност е силно заштитена преку Samsung Knox безбедносната платформа.
Континуирани напори за обезбедување доверливи искуства
За да ја заокружи својата визија AI Home за 2025 година, Samsung истакна како ги поместува границите на иновацијата, ставајќи приоритет на сигурно и доверливо искуство за корисниците.
Најпрво, Samsung ќе примени унапредена Knox безбедност на уредите низ целата понуда, со цел корисниците да можат да уживаат во AI Home искуството со поголема сигурност и мир. Особено оваа година, Trust Chain – дел од Knox Matrix – ќе биде применета на сите уреди со Wi-Fi кои ќе се лансираат во 2025 година. Корисниците ќе можат постојано да го следат статусот на безбедност на уредите во реално време преку посебна контролна табла. [20]
Knox Vault за првпат[21] се применува и кај домашните уреди, со цел да се складираат особено чувствителни кориснички информации — како лозинки и податоци за автентикација — во посебен хардверски чип, со што се обезбедува максимална заштита. Дополнително, за заштита од потенцијални идни квантни напади, безбедносниот систем на Samsung е опремен и со пост-квантна криптографија (PQC), како дел од Knox Matrix Credential Sync, на уредите кои користат екрани. [22]
Уште еден клучен приоритет за Samsung е да им овозможи на корисниците да ги користат најновите софтверски функционалности и на постојните уреди, без потреба од купување нови. Преку Smart Forward [23] — услугата за ажурирање на софтвер преку SmartThings — Samsung постојано ги надградува своите уреди со нови функции, со цел да го подобри корисничкото искуство.
Samsung активно работи и на унапредување на одржувањето на производите. SmartThings Home Care користи вештачка интелигенција за дијагностицирање на состојбата на секој уред, а доколку се откријат знаци на потенцијален дефект, испраќа известување навреме. Дополнително, претставник на техничката поддршка може да понуди насоки за далечинско решавање на проблемот, базирани на резултатите од претходната дијагностика[24]. Оваа функција за поддршка веќе е проширена во повеќе земји, вклучувајќи ги Франција, Холандија и Канада, по првичното воведување во Кореја и САД.
Со интегрирање на сите овие разновидни иницијативи, Samsung има за цел да создаде побезбедно и подоверливо паметно домашно искуство, во кое корисниците ќе можат да уживаат со удобност и чувство на сигурност.
Паметни решенија за полесен живот
Изберете паметно, купете уреди Bespoke AI во претпродажба и може да добиете Galaxy Tab S9 FE или Galaxy Tab A9+ како подарок.
Промоцијата важи од 31.3.2025 година до 7.4.2025 година.
Пристигнаа паметните решенија! Вие треба само да ги препознаете, изберете и да си го поедноставите секојдневието. Се разбира, сите што ќе го направат тоа во претпродажба ќе добијат вреден подарок.
Од 31 март до 7 април 2025 година, Samsung нуди ексклузивни подароци за купени избрани уреди. Не пропуштајте ја шансата да купите иновативни уреди од нашиот асортиман Bespoke AI и да го збогатите својот дом со неверојатни можности.
Ако го купите фрижидерот Bespoke AI Family Hub во претпродажба, добивате подарок Galaxy Tab S9 FE. Исто така, ако купите машина за перење WF90F или stick правосмукалка Jet, како подарок го добивате Galaxy Tab A9+.
За да го остварите правото на овие фантастични подароци, само регистрирајте го купеното најдоцна до 30 април 2025 година на страницата на Samsung.
Промоцијата важи кај продажните партнери на Samsung наведени во правилата на промоцијата, кои самостојно ја одредуваат малопродажната цена. Подетални информации за енергетската ефикасност, целосниот список со вклучени производи и условите за достава може да добиете на на страницата на Samsung.
Изберете паметни решенија за поедноставен живот со Samsung Bespoke AI.
*Пр објава
[1] AI Home екранот се однесува на 7" или 9" LCD екран интегриран во уредот. Ова не значи дека сите услуги достапни преку AI Home се базирани на вештачка интелигенција или дека генерираат информации и резултати користејќи AI. Одредени функции достапни преку AI Home користат алгоритми базирани на вештачка интелигенција, кои периодично може да се ажурираат со цел подобрување на точноста. Алгоритмите базирани на AI можат да генерираат нецелосни или неточни информации..
[2]AI Home е достапен кај одредени модели, а неговата достапност може да варира во зависност од регионот.
[3] Достапно кај одредени T-Type и French Door модели на фрижидери. Од април 2025 година, AI Vision Inside може да препознае 37 видови храна, како што се свежо овошје и зеленчук. Доколку храната не може да се препознае, може да биде евидентирана како непознат предмет. AI Vision Inside не може да препознае или прикаже храна сместена во преградите на вратата од фрижидерот или во замрзнувачот. Препознавањето на храната се базира на модели од длабоко учење, кои периодично може да се ажурираат за подобрување на точноста.
[4] AI Vision Inside ќе препознае и препорача корисниците да зачуваат преработени прехранбени производи кои биле поставени во фрижидерот повеќекратно, дозволувајќи зачувување на до 50 артикли со назначено име. Преработената храна е ограничена на производи кои задржуваат одредена пакувана форма. AI Home препорачува зачувување на артиклот откако ќе биде внесен повеќе од 4 пати во рок од 30 дена.
[5] Потребна е Wi-Fi конекција и Samsung сметка. Уредите од трети страни мора да бидат компатибилни со SmartThings..
[6] Базирано на напреден алгоритам креиран со вештачка интелигенција. Може да не препознае одредени ткаенини или да не ги идентификува точно кога во барабанот има мешавина од различни видови ткаенини. За да се избегне абење, се препорачува перење на слични ткаенини заедно. Во САД, имињата на функциите се применуваат поинаку: AI OptiWash и AI OptiDry се надградени во AI OptiWash+ и AI OptiDry+.
[7] Врз основа на внатрешно тестирање на Samsung. Потрошувачката на енергија на овој модел од 9 кг е со EEI вредност 21.8, што го прави 55% поефикасен во однос на минималниот праг за енергетска ефикасност од класа A (EEI 52 за модели од 9 кг). Енергетските оценки се тестирани со програмата Eco 40-60, а заштедата од 55% е исто така тестирана со програмата Eco 40-60.
[8] Врз основа на тестирање спроведено од SLG Prüf- und Zertifizierungs GmbH, согласно стандардот IEC 62885-4 Cl.5.8, користејќи рачна правосмукалка (без четка) во Jet режим. Резултатите се споредени со модели на безжични stick правосмукалки достапни на пазарот, со наведена сила на вшмукување во рамки од 30% од реалната сила на вшмукување на Samsung моделот тестиран од SLG. Споредено е со пазарни податоци за продажба во периодот од јануари 2024 до декември 2024, собрани од независен институт за истражување на пазарот.
[9] Врз основа на тестирање спроведено од SLG Prüf- und Zertifizierungs GmbH, согласно стандардот IEC 62885-4 Cl.5.8. Силата на вшмукување е измерена на влезот на немоторизиран алат, кога садот за прав е празен, користејќи Jet Mode и голема батерија со целосно полнење. Врвната сила на вшмукување трае до 1 минута.
[10] Надградените функции на AI Cleaning Mode 2.0 можат да се активираат по регистрација на рачната правосмукалка во SmartThings апликацијата. Работењето на AI Cleaning Mode 2.0 може да биде ограничено во одредени околности, како на пример кога All-in-one Clean Station е исклучена од струја, кога Wi-Fi конекцијата е нестабилна или кога Bluetooth врската меѓу правосмукалката и Clean Station е слаба. Доколку AI Cleaning Mode 2.0 често не функционира, се препорачува преместување на All-in-one Clean Station во простор без пречки во близина. За да се овозможат континуирани ажурирања на функциите, препорачливо е Wi-Fi конекцијата во домот да биде постојано вклучена.
[11] Способноста за препознавање на различни средини за чистење и времето потребно за промена на поставките може да бидат под влијание на условите во околината.
[12] Кога се користи со Slim LED Brush+. Детекцијата на ќошиња и споеви меѓу под и ѕид функционира само на тврди подни површини. Под „агол“ се подразбира простор каде што се спојуваат две рамни и затворени ѕидни површини. Силата на вшмукување се зголемува приближно 2–3.5 секунди по притискање на четката кон ѕидот. Доколку четката допира само една страна од аголот или има празнина во аголот, тој можеби нема да биде препознаен како агол. Прецизноста на препознавање и брзината на реакција можат да варираат во зависност од формата на ѕидот и реалната околина при користење.
[13] Кога се користи со Active Dual Brush.
[14] Карактеристиките на производот сè уште се во фаза на развој и може да се променат. Не се гарантираат финалните спецификации.
[15] Врз основа на наш модел за длабоко учење обучен со однапред дефиниран сет на податоци, резултатите може да бидат нецелосни или неточни. Нови сетови на податоци може повремено да се вклучуваат во моделот со цел зголемување на неговата точност.
[16] Истурена течност се дефинира како дамка со големина од 7 см x 7 см или поголема. Препознавањето може да биде под влијание на големината на дамката или на околностите на подот, како што е шемата или дезенот на подната површина.
[17] Достапно на 32-инчниот AI Family Hub и/или 9-инчниот AI Home на фрижидерите. Потребна е Wi-Fi конекција и Samsung сметка. Сите уреди мора да бидат поврзани преку SmartThings. Само уреди од трети страни кои се компатибилни со SmartThings можат да бидат регистрирани.
[18] Достапноста на Bixby може да варира во зависност од земјата. Bixby препознава само одредени акценти и дијалекти на следните јазици: англиски (Велика Британија), англиски (САД), англиски (Индија), француски (Франција), германски (Германија), италијански (Италија), корејски (Јужна Кореја), мандарински кинески (Кина), шпански (Латинска Америка), шпански (Шпанија) и португалски (Бразил). Voice ID ќе биде достапен од мај 2025 година преку Smart Forward ажурирање. Датумот на лансирање може да се разликува во зависност од регионот и земјата. Потребна е Samsung сметка со активиран Bixby. До шест сметки може да се регистрираат на еден уред. За поголема точност при препознавање на гласот, се препорачува регистрација во тивка средина. Voice ID се базира на тонот на гласот користен при регистрација. Секоја промена или модификација на гласот може да доведе до погрешно препознавање.
[19] Уредот мора да поддржува Wi-Fi и да биде поврзан со SmartThings за да се активира услугата. Корисниците можат да ја активираат услугата преку апликацијата SmartThings.
[20] Trust Chain контролниот панел е применет на уреди со 7-инчен или 9-инчен AI Home дисплеј, како и на екранот AI Family Hub™ кај моделите што ќе бидат лансирани во 2025 година.
[21] Knox Vault е применет на Bespoke AI Jet Bot Steam Ultra, како и на уредите со 7-инчен или 9-инчен AI Home дисплеј и AI Family Hub™ екран кај моделите што ќе бидат лансирани во 2025 година, со исклучок на Bespoke AI рерната.
[22] PQC (пост-квантна криптографија) е применета на уредите со 7-инчен или 9-инчен AI Home дисплеј и AI Family Hub™ екран кај моделите што ќе бидат лансирани во 2025 година, со исклучок на Bespoke AI рерната.
[23] Smart Forward ажурирањата се достапни само за софтвер и за модели лансирани по 2017 година кои се опремени со стандардизиран OCF протокол. За одредени ажурирања може да бидат потребни соодветни хардверски спецификации. Достапно е за уреди со Android и iOS. Потребни се Wi-Fi конекција и Samsung сметка.
[24] Се однесува на уреди лансирани по 2018 година и е поддржано кај модели со стандардизиран OCF протокол објавени од 2018 година наваму. Поддржаните функции може да варираат во зависност од регионот и земјата. Уредот мора да поддржува Wi-Fi и да биде поврзан со SmartThings за да се активира услугата.
