Би-Би-Си се извини за интервјуто со принцезата Дајана: Независната истрага откри очигледни пропусти во Би-Би-Си

Интервјуто што Дајана, принцезата од Велс, го даде на емисијата „Панорама“ на Би-Би-Си пред повеќе од 20 години беше предмет на независна истрага предводена од лорд Дајсон, поранешен висок судија.

„Би-Би-Си не успеа да ги постигне високите стандарди на интегритет и транспарентност кои се нивен заштитен знак“ во интервјуто со новинарот Мартин Башир и Дајана, принцезата од Велс, гласи заклучокот од истрагата, објавена во четвртокот, 20 мај.

Беше откриено дека Би-Би-Си „ги прикриваше нечесните тактички потези на новинарот Мартин Башир со цел да го обезбеди познатото интервју со принцезата Дајана од 1995 година“, утврди истрагата.
Објавен е извештај за тоа како е обезбедено интервјуто.

Извештајот открива дека Башир го измамил братот на Дајана, Ерл Спенсер, покажувајќи му лажни документи за да ја добие својата доверба со цел да го запознае со Дајана.

Кажано е дека Башир лажел кога им рекол на менаџерите на Би-Би-Си дека не покажал никому лажни документи, а значајни делови од сведочењето на Башир за настаните од 1995 година беа опишани во независна истрага како „неверојатни, несигурни и во некои случаи нечесни“.

Во изјавата, Башир се извини за фалсификување документи, но рече дека сепак е „неизмерно горд“ на интервјуто.

Тој рече: „Изјавите од банка немаа никакво влијание врз личниот избор на принцезата Дајана да учествува во интервјуто.

Како Би-Би-Си реагираше на резултатите од истрагата?

Би-Би-Си објави дека извештајот покажува „очигледни пропусти“.

Генералниот директор на Би-Би-Си, Тим Дејви изјави: „Иако во извештајот се наведува дека Дајана, принцезата од Велс, била воодушевена од идејата за интервју за Би-Би-Си, јасно е дека процесот за обезбедување на интервјуто бил далеку од оној што публиката со право го очекува од нас.

„Иако денешниот BBC има значително подобри стандарди и процедури, оние што постоеја во тоа време требаше да спречат интервјуто да се обезбеди на тој начин.

Би-Би-Си требаше да вложи поголеми напори за да се дојде до сржта на она што се случи тогаш и да биде потранспарентно.
Иако Би-Би-Си не може да го врати времето, по четвртина век можеме да се извиниме целосно и безусловно.
Би-Би-Си денес се извинува.“

Која беше принцезата Дајана?

Принцезата Дајана беше мајка на принцот Вилијам и принцот Хари. Таа се омажи за престолонаследникот, принцот од Велс, во катедралата Свети Павле во Лондон во 1981 година. Но се разделија во 1992 година и се разведоа во 1996 година.

Како почина принцезата Дијана?

Принцезата почина во 1997 година, кога автомобилот во кој беше удри во тунелот Понт де Л’Алма во Париз.
Во таа несреќа загинаа нејзиниот придружник Доди Ал Фајед со кого беше на одмор и нивниот возач Хенри Пол.
Телохранителот на Ал Фајед, Тревор Рис-Џонс, го преживеа сударот.

Анализата покажа дека Пол имал 175 милиграми алкохол на 100 милилитри крв - според францускиот закон, границата е 50 милиграми на 100 милилитри - што е повеќе од едно шише вино испиено.
И додека се обидувал да избега од фотографите кои го следеле автомобилот, тој изгубил контрола над возилото и удрил во бетонски столб.

Што рече принцезата Дијана за „Панорама“?

Интервјуто, емитувано кон крајот на 1995 година, беше главна ексклузива за Би-Би-Си во тоа време - никогаш порано активен член на Кралското семејство не зборувал толку отворено за семејниот живот или за односите со неговите други членови.

Во интервјуто, принцезата Дијана:

-призна дека имала афера
-рече дека се чувствува безвредно поради аферата на принцот Чарлс со Камила Паркер-Боулс (сега неговата сопруга, војвотката од Корнвол)
-зборуваше за тоа како „тројцата се во брак“
-откри дека има булимија и дека се повредувала себеси
-навести дека принцот Чарлс можеби нема да може да се прилагоди на улогата на крал
-рече дека персоналот на принцот Чарлс започнал кампања против неа

Интервјуто го гледаа повеќе од 20 милиони луѓе кога за прв пат се емитуваше и предизвика огромна полемика.
Набргу потоа, кралицата им пишала на принцот Чарлс и принцезата Дајана, да се разведат.

Принцот Хари зборуваше отворено за неговата мајка Дијана кај Опра Винфри.

Кој е Мартин Башир?

Луѓето беа прилично изненадени кога беше објавено дека Башир, релативно млад репортер на BBC, без позната кралска биографија или контакти, го добил интервјуто. Но, неговите откритија ги засенија прашањата како го постигнал тоа.

Мартин Башир ја интервјуираше принцезата Дајана во 1995 година
Неколку години подоцна, тој отиде да работи во некои американски телевизиски мрежи.

Тој се врати во Велика Британија во 2016 година и беше повторно вработен во Би-Би-Си како уредник за религија, позиција што ја напушти во средината на мај поради лошо здравје.

Кои беа обвиненијата против него?

Главното тврдење, изразено од братот на Дајана, Ерл Спенсер, е дека Башир лажел за да добие интервју со принцезата Дајана.

Ерл Спенсер тврди дека Башир му покажал фалсификувани банкарски изјави со наводни плаќања од страна на медиумска група на поранешен член на неговиот персонал.
Со ова, вели Ерл Спенсер, тој требаше да ја добие својата доверба за да го запознае Мартин Башир со неговата сестра, принцезата Дајана.
Мартин Башир призна дека му дал на графички дизајнер кој работел за Би-Би-Си да измени извод од банка.

Ерл Спенсер, исто така, тврди дека Мартин Башир ја измамил принцезата Дајана, измислувајќи приказни за Кралското семејство што одговарале на нејзиното искуство со заговор против неа.

Целта на овие лаги, вели Ерл Спенсер, била да ја натераат принцезата Дајана да се согласи на интервјуто.

Кои беа обвинувањата против Би-Би-Си?

Откако „Mail on sunday“ откри фалсификувани банкарски изјави во почетокот на 1996 година, внатрешната истрага на Би-Би-Си ги ослободи Башир и Би-Би-Си од сите обвиненија за нелегални активности.

Директорот за вести кој ја водеше истрагата, Тони Хол, сега Лорд Хол, стана шеф на Би-Би-Си, нејзин генерален директор.
Тој се повлече од таа позиција во 2019 година.

Критичарите прашуваат:
-зошто БиБиСи го ослободи Башир од сите обвиненија толку брзо, верувајќи во неговата верзија на настаните без да разговара со Ерл Спенсер

-дали вистината е покриена со триумфот на толку важно интервју - и потенцијалниот срам да се признае дека е направено на таков неприфатлив начин, со што се спречува вистинска истрага

Што е со најновата истрага?

Минатата година, откако Ерл Спенсер изнесе обвинувања, Би-Би-Си започна независна истрага и објави дека Башир целосно соработува со истрагата.

извор:danas.rs
фото:BBC printscreen