Били Ајлиш има нова песна: За неколку часа „собра“ повеќе од 10 милиони прегледи

Ова е четврта песна од новиот албум и за која сними видео запис...

Били Ајлиш вчера го објави видеото за новата песна „Lost Cause“ и за само неколку часа успеа да собере повеќе од 10 милиони прегледи и да биде во трендинг на сите листи ширум светот.

Ова е четврти сингл од претстојниот албум „Happier Than Ever“, а во песната пее за некој за кој потполно го изгубила трпението и почитта.

„Ти не си ништо друго освен изгубен случај, ништо не е како што беше некогаш“ - пее Били, додека е опкружена со многу девојки кои танцуваат во и околу вилата во Лос Анџелес, која многу потсетува на нејзин личен „Hype House“, пишува Rolling Stone.

Албумот „Happier Than Ever“ изглегува на 30 јули, а сите песни дотогаш може да ги слушате на различните стриминг сервиси и на Јутјуб. Досега ги објави и овие три песни: „My Future“, „You Power“ и „Therefore I Am“.