Бројот 13 ѝ донесе среќа: Антониа во супер финалето на Ѕвездички

Јубилејната 5 сезона од музичкото натпреварување „Пинкове ѕвездице“ е пред самиот крај. Веќе следниот петок ќе се одржи супер финалето во кое ќе се дознае победникот.

За една недела 12 ѕвездички, за последен пат ќе се претстават пред балканската публика. Помеѓу нив е и нашата претставничка Антониа Гиговска. Таа настапува под редниот број 13. Во финалето овој број и донесе среќа, се надеваме дека и следниот петок ќе биде така и во ова шоу за прв пат да победи Македонец.

За потсетување во финалната емисија Антониа ја отпеа најпознатата балада на Тоше, Тајно моја и уште еднаш ги остави сите без зборови.