Членовите на „Ролинг Стоунс“ се простија од Чарли Вотс: Особено е тажна објавата на Кит Ричардс

Великанот на рокенролот дефинитивно ќе недостасува...

Чарли Вотс, тапанарот на Ролинг Стоунс, почина на 81-годишна возраст, а многу светски sвезди се збогуваа со великанот на рокенролот, од Елтон Џон, Брајан Адамс, Дејвид Ковердејл до многу други.

Сите се согласија дека тој беше врвен музичар и вистински џентлмен.

И колегите од Ролинг Стоунс се збогуваа со Чарли Вотс. Мик Џегер објави фотографија од тапанарот на социјалните мрежи и не напиша ниту еден збор, што доволно кажува колку веќе му недостасува.

Рони Вуд објави заедничка фотографија со Чарли Вотс и го напиша следново:

„Те сакам, колега близнак. Многу ќе ми недостигаш. Ти си најдобар.“

Објавата на Кит Ричардс е дефинитивно најтажната. Имено, тој објави фотографија каде се само тапаните на кои свиреше Чарли Вотс, со натпис „затворено“. Кит Ричардс не напиша збор, што беше доволно.