Црквата Свети Никола не го издржа земјотресот на Крит: Само иконата останала да стои исправено

Во силниот земјотрес направена е материјална штета...

Малата црква свети Никола се срушила во силниот земјотрес од 6,3 степени, кој денес го погоди Крит.

Црквата, која се наоѓа во Ситија, не ги издржала силните потреси на грчкиот остров.

Како што се гледа на фотографиите кои ги објави „Creta live“, црквата е скоро срамнета со земја, а само една страна од ѕидот не е струшена.

Она што е необично е тоа што само една икона останала да стои среде рушевините.

Да потсетиме, во земјотресот кон крајот на септември кој го погоди Крит, еден работник почина во црквата Светли Илија, кога куполата се струшила над него.