Дали Facebook, Instagram и WhatsApp ќе се плаќаат? Размислуваат да воведат нови опции

Дали Facebook, Instagram и WhatsApp ќе се плаќаат? Размислуваат да воведат нови опции

Според некои извори, „Мета“ создаде нова група наречена „Нови искуства за монетизација“ со цел, се разбира, дополнително да ја зголеми заработката.

Facebook, Instagram и WhatsApp наскоро би можеле да воведат специјализирани функции за корисниците кои се подготвени да платат за нив, пишува „Engadget“. „Мета“ формира нов дел од компанијата наречен „New Monetization Experiences“ кој ќе се фокусира на платените функции на апликациите на компанијата.

Додека Facebook и Instagram веќе имаат голем број платени функции специјализирани за креаторите на содржини (ѕвезди, платени настани и разни производи за претплата), се чини дека новиот дел од компанијата ќе работи на други иницијативи. Сè уште не е познато какви платени функции се во работа, но потпретседателот на „Мета“ за монетизација Џон Хегеман изјави за „The Verge“ дека компанијата внимателно ќе ги следи другите социјални мрежи. Twitter, Snapchat и Telegram неодамна воведоа месечни претплати кои на претплатниците им даваат ексклузивни функции, пренесува „tportal“.

Платените функции би можеле да ги донесат за „Мета“ многу потребните пари за да го финансираат метаверсот на Цукерберг. Компанијата, во меѓувреме, забележа пад на приходите предизвикани од новите безбедносни карактеристики на iOS кои им даваат на сопствениците на iPhone избор за тоа дали сакаат или не страниците како Facebook да ги следат.

Мнозинството, погодувате, одговори со „не“.

Извор: hr.n1info.com

Можеби ќе ве интересира: