Девито за првпат ја симна маската на Инстаграм: Покажа малку повеќе од вообичаено (ФОТО)

Не откри сè...

Тој е најголемата мистерија на музичката сцена на Балканот. Девито е ултра познат, но никој не знае како навистина изгледа. Веќе со години успева да го сокрие својот идентитет. Не може да се случи да го најдеш некаде без фантомката.

Не знаеме како му изгледа лицето, како му изгледа косата, ништо освен учите и усните. Девито со години успева да ја задржи својата анонимност. Некогаш на настапите, обожавателите дури се обидуваат да му ја симнат маската од лицето, но тоа не завршува добро, а не е ниту фер кон него.

Многу српски таблоиди објавуваат фотки на кои наводно е тој без маска, но никој не е 100 проценти сигурен во тоа, сето тоа се само претпоставки, бидејќи не знаеме како тој изгледа. Уште не се случило пред камерите да ја симне својата маска. Сè досега. Објави фотка од лифт на Инстаграм, на која ја нема препознатливата маска на лицето, но...

Секако пронашол начин да не се покаже, но и ова повеќе отколку порано. Единствената работа која ја покажа, а која досега никогаш не сме ја виделе е косата. Лицето стратешки го има сокриено зад мобилниот телефон, но сепак малку се гледа. Иако и понатаму не би го препознале на улица, можеби ова е само почеток и наскоро ќе открие повеќе. Барем обожавателите така се надеваат.

Сите кои го следат сигурно едвај чекаат да дојде денот кога ќе го покаже своето лице, но прашање е дали тоа некогаш ќе се случи. Иако е многу популарен, бидејќи никој не знае како изгледа, добива можност да живее нормално, без на улица да го застануваат безброј луѓе.

фото: Принтскрин / Инстаграм