Дури ни за 9.000 долари месечно не можеа да го трпат ова: Еве зошто бејбиситерки бегаа од Џенифер Лопез и нејзините деца

Синот и ќерката на Џеј Ло денес немаат дадилка, а кога биле бебиња пејачката очајно се обидувала да вработи, но немала многу среќа - една по друга, сите брзо се откажувале.

Латинската дива Џенифер Лопез (53) е горда мајка на две деца - близнаците Ема и Максимилијан (14), а малку е познато дека таа не ги користи услугите на дадилка и се грижи сама за нив со поранешниот сопруг Марк Ентони.

Сепак, тоа не беше секогаш така - пред десет години Џеј Ло постојано барала дадилка. Откако ги родила Макс и Ема и кога било време да се врати на сцената, бидејќи вредна и амбициозна ѕвезда како неа, имала многу обврски, не штедела пари за да ја најде најдобрата можна помош, а се шпекулираше дека на дадилките им нудела неделна плата од дури 2.250 долари за да се грижат за близнаците или 9.000 долари месечно.

И покрај тоа, National Enquirer напиша дека потрагата на Џенифер по дадилка била заглавена како во ротирачка врата бидејќи сите жени си заминувале многу брзо откако биле ангажирани.

- Вообичаено луѓето кои заработуваат многу и имаат многу професионални и социјални обврски ангажираат по една дадилка за секое дете, особено за новороденчиња. Но, Џенифер очекувала дадилка да се грижи за близнаците, 16 часа на ден, седум дена во неделата - изјавил тогаш извор близок на пејачката.

Првата дадилка наводно издржала само една недела, а Today напиша дека дури и најдобрите од ангажираните едноставно имале премногу обврски и се откажувале.

Џенифер никогаш не ги коментирала овие тврдења, но познато е дека нејзините деца денес немаат дадилка, а папараците ја гледаат секој ден во друштво на близнаците, кои ги фотографираат насекаде. Така, Макс и Ема се со неа и на пазарење и на настапи, а ја придружуваа и на медениот месец кој го помина со Бен Афлек во Париз.