FaceApp, апликацијата по која сите „полудеа“ ни ги краде податоците?

Дали си и ти помеѓу милионите луѓе кои си ја симнаа апликацијата FaceApp на својот мобилен? Можеби се загрижи за своите лични податоци по целата оваа приказна? Не си единствен/а. Дури и американскиот сенатор Чак Шумер ги повика FBI да го истражи целиот случај.

Своите фотки со овој ефект ги објавија и многу познати личности.

Но, да скратиме, сите се загрижија кога прочитаа дека нивните фотографии би можеле да се најдат на разни реклами и тоа само затоа што ја симнаа оваа апликација. Но, причини за грижа, сепак нема, барем судејќи по она што го кажаа Русите кои и ја направија оваа апликација.

Јарослав Гонрачов во интервју откри дека апликацијата не ги користи фотографиите за никакви цели, освен за она за што е наменета. Веќе не може да се знае на кој треба да веруваме... Но, самите размислете дали сакате да продолжите да ја користите апликацијата или пак ќе сакате да ја оставите настрана.