(ФОТО) Каков е актерот Дритон Вејсели кога не e Талат од „Преспав“

Сите го знаеме како шарматниот Талат од село Џепчиште кој работи на рецепција во пансионот „Преспав“. Актерот Дритон Вејсели од популарната серија, е спротивност на ликот кој го глуми.

Тој не живее во тетовско, туку во Скопје, но потеклото му е тетовско. Во тинејџерските денови, сакал да биде ликовен уметник, па завршил средно уметничко училиште. Угостителството е нешто што му е заедничко со Талат. Тој и неговото семејство се сопственици на познатата скопска слаткарница „Малага“.

„Понекогаш кога одам по улица и луѓето ме поздравуваат, заборавам од каде ме знаат. Некои и не ме препознаваат, затоа што кога ги немам оние карактеристични мустаќи на Талат изгледам сосема поинаку“, ни изјави актерот во претходно интервју. 

„Талат е навидум наивен и помалку несмасен и бавен, но не е таков. Тој е еден бескрајно весел лик, дете во душата и прилично е снаодлив. Моите сличности со него се токму тука, и јас понекогаш за себе си велам дека сум уште дете во душата“, додаде актерот. 

М.Џ.