(ФОТО) Лозано е побогат за 1 милион: Крајот на месецот му донесе уште еден успех

По успешните настапи за време на летото, како и двата големи концерти во Скопје и Охрид, Лозано не престанува да ниже успеси. Овој пат во центарот на вниманието е „Не те вадам од памет“, последната објавена песна на пејачот.

Имено, на крајот од третиот месец од објавувањето на овој хит, Лозано може да се пофали со 1 милион прегледи на Јутјуб. 1 милион пати е преслушана оваа песна, а истата има над 10.000 лајкови, како и повеќе од 400 коментари, од кои најголемиот број се позитивни.

За потсетување, во овој спот се појави и поранешната водителка на естрадниот магазин „Бекстејџ“, Мартина Михајловска, која одреден период беше далеку од очите на јавноста поради бременоста.