Гејст: Со биткоинот можете да си играте ако сте богати како Маск - тој вид вложувања не е за мене

Кога станува збор за инвестицирањето, американскиот милијардер предност им дава на компаниите кои произведуваат нешто „конкретно“...

Основачот на Мајкрософт, Бил Гејтс, не инвестира во биткоин, и со голема веројатност - тој нема. Како што кажа во разговорот во живо на социјалната мрежа „Clubhouse“, тој вид инвестиција „не е за него“.

Тој не е единствениот искусен бизнисмен и инвеститор кој не верува во најпознатата криптовалута, Ворен Бафет исто така не гледа потенцијал во неа. Бидејќи се успешни „старомодни“ деловни луѓе, Гејтс наведува дека претпочита да инвестира во компании кои произведуваат производи, значи нешто конкретно.

Како пример, тој ги наведе компаниите кои работат на развој на вакцина против маларија и сипаници. Милјардерот исто така рече дека не ги избрал своите инвестиции врз основа на тоа дали за другите ќе вреди повеќе, пишува Би-Би-Си.

Во претходното интервју, тој разговараше за ентузијазмот на основачот на Тесла, Илон Маск, кога е оваа виртуелна валута во прашање. „Мојата општа мисла би била дека ако имате помалку пари од Илон - треба да бидете внимателни“ - рече тој за Блумберг.

Тој додаде: „Илон има тони пари и е многу софистициран, затоа не се грижам дека неговиот биткоин некако случајно ќе оди нагоре или надолу“. Патем, вредноста на популарната дигитална паричка скокна за скоро 50% откако гигантот од доменот на електронските возила, Тесла, рече дека вложил 1,5 милијарди долари во биткоин.

Но, подоцна, имаше пад од 20%, што влијаеше и на акциите на Тесла, затоа што Маск ги „преиспитуваше“ цените на биткоинот на Твитер - без разлика дали се премногу високи и нестабилни.

Американскиот министер за финансии Џенет Јелен ја опиша криптовалутата како „исклучително неефикасен начин за извршување на трансакции“. Самиот Гејтс беше и останува скептичен во врска со биткоинот.