Ги отвори вратите од новиот дом: Анастасија Ражнатовиќ ги поздрави обожавателите од луксузниот стан што го дели со своето момче

Пејачката и ќерка на Светлана Ражнатовиќ од неодамна дели покрив над главата со своето момче Ѓорѓе Куљиќ, а на своите следбеници на Инстаграм не им даваше можност да ѕирнат во просторот за кој со месеци се пишува во медиумите.

Анастасија Ражнатовиќ и Ѓорѓе Куљиќ се заедно со години, а пејачката веќе подолго време живееше на релација Белград-Нови Сад, а парот неодамна одлучи и официјално да започне заеднички живот.

Со оглед на тоа што вообичаено не споделува премногу детали за својата интимност, Анастасија не се пофали како нејзиниот избраник и таа го уредиле новиот простор за живеење, а сега направи исклучок, па позираше за Инстаграм во својот нов стан. Пејачката седеше во розова свилена бањарка и косата завиткана во пешкир, а потоа ја видовме во удобен дуксер и со нови очила за сонце. Иако не покажа премногу, очигледно во просторот доминира белата боја, како на ѕидовите, така и во поглед на мебелот.

Како што се пишуваше, Ѓорѓе и Анастасија поврзале два стана во центарот на Белград.

- Купиле два стана од по 100 квадрати, на два ката, кои во моментов ги уредуваат за да се вселат кон крајот на април. Апартманите се пространи, имаат неколку бањи, спални соби, огромни и пространи дневни соби кои излегуваат на тераса која е целата од стакло - изјави извор во април оваа година, додавајќи дека „најверојатно ќе направи дуплекс од тие два стана“.

- Планот е кон крајот на месецот да се вселат во нивниот нов дом. Мебелот го избрале одамна и го нарачале за се да стигне на време. Среќни се што ќе живеат заедно, а и поради тоа што становите ги купиле заедно. Инвестирањето во заеднички простор е и инвестирање во нивната иднина, а очигледно нема сомнеж дека ќе ја поминат заедно – додал изворот.

Неодамна се пишуваше дека парот потрошил околу 750.000 евра.