Грешки во љубовта кои сите ги правиме во младоста: Овие 10 сигурно нема да ги повторите

Најдобро се учи од сопствените грешки...

Понекогаш треба само да направиме грешка и самите да сфатиме дека тоа е лошо и дека не треба да го правиме тоа. Оние кои немаат љубовни проблеми во својата младост се навистина среќни, но повеќето од нас сепак ќе поминат низ вистинско мноштво проблеми и лоши одлуки кои никогаш повеќе нема да ги повторат.

Во својата младост, секој ќе помине низ овие 10 грешки во својот љубовен живот, ќе има солзи и скршени срца, но и повеќе искуство за во иднина.

# Ги игнорираме добрите и драги момци

Она момче од класот или училиштето кое е навистина добро, тешко дека ќе добие шанса, бидејќи ќе биде засенет од гласните и малку непослушни момци кои во тие години се секогаш поинтересни за девојчињата. Секогаш нè привлекува нешто што се чини дека е надвор од нашите можности и дека е некој кој никогаш не би бил заинтересиран за нас. Мислите дека ќе го промените и тој ќе стане вистинско добро момче со вас, но обично тој само ќе ви го скрши срцето.

# Чекаме момчето прво да ни се јави 

Помина времето кога беше нормално и се очекуваше момчето да го направи првиот чекор. Не е ништо страшно да му се јавите и да ја проверите ситуацијата. Додека чекате тој да одговори, некоја друга девојка може да ја искористи вашата можност.

# Сметаме дека воопшто не треба да се трудиме

Момците се оние кои треба да сторат сè, а девојките треба само да уживаат во вниманието? Или не. Очекуваме тој прво да се јави, да не покани на состанок, да го иницира првиот бакнеж... и затоа понекогаш ништо не се случува. Се однесуваме како да не ни е гајле, а во меѓувреме тој губи интерес затоа што смета дека повеќе не ве интересира и дека сте се оладиле.

# Бидејќи е згоден, ги игнорираме знаците за предупредување

Само затоа што изгледа како модел на Инста не значи дека треба слепо да го следите и да правите сè како што тој сугерира. Физичкиот изглед е важен, секој што ќе каже не лаже. Секако дека нема да бидете со некој што не ви се допаѓа, но затоа што некој изгледа многу добро и се чувствувате посебно додека шетате низ градот со него и го држите за рака не значи дека треба да бидете слепи за неговите однесувања што не се баш најдобри.

# Имаме критериуми кои не се реални

Треба да имате критериуми за сè, вклучително и за изборот на момче, но ако имате нереални критериуми и го исфрлите секој што не ги исполнува сите, секогаш ќе бидете сингл. Ова не значи дека треба да се спуштат критериумите, туку дека треба да им се даде можност на луѓето да ви се докажат. Само затоа што не слуша рок музика не значи дека треба да биде отфрлен од комбинација.

# Мислиме дека ќе не сака повеќе доколку го направиме љубоморен

Ако некој е љубоморен, тогаш ние тоа го преведуваме како да се грижи таа личност. Од една страна, добро е чувството кога ќе забележите дека едно момче е вознемирено само затоа што одговоривте на пораката на друго момче од училиште, но тоа не е баш фер однесување. Да правите некој намерно љубоморен само за да го задоволите вашето его не е добра работа и кога тогаш ќе ве погоди во главата.

# Ги игнорираме пријателите заради момче

Една од најголемите грешки што секој ја прави во одреден момент е да се оддели од своето друштво и пријателите бидејќи сега има момче со кое сака да го помине секој слободен момент. Никогаш не треба да го прават тоа, пријателите се тука за цел живот, а момче од средно училиште најверојатно нема да биде.

# Го менуваме изгледот за да му се допаднеме повеќе

Друга тотално глупава работа е што ја менуваме фризурата или начинот на облекување, затоа што откривме дека Никола од другиот клас сака девојки со црна коса, а вие имате светло кафеава боја. Ако промените нешто за себе, треба да го сторите тоа затоа што сакате вие, а не некој друг.

# Врската ја гледаме како најважна работа на светот

Да се ​​биде во врска е една од целите во животот додека сме млади. Сè друго може да почека, но да се биде соло значи дека нешто не е во ред со вас. Никогаш не треба да мислите така! Да се ​​има момче во средно училиште не е најважно, ништо нема да се случи ако немате, всушност, може само да биде добро за вас затоа што ќе имате повеќе време за излегување, хоби, пријатели...

# Започнуваме врска со некоја личност само затоа што таа имаа симпатии кон нас

Само затоа што некој ќе каже дека има симпатии кон тебе не значи дека треба да се допишуваш, да се видиш или на крајот да започнеш врска со таа личност. Во ред е да се каже не. Понекогаш го забораваме тоа, само за да не бидеме последната личност во општеството што не е во врска.

фото:shutterstock