Карлеуша на ќерките им дала пари за подарок на Душко: Нема шанси да погодите што му купиле

Ништо спектакуларно, но функционално...

Сопругот на пејачката Јелена Карлеуша, Душко Тошиќ неодамна го прослави својот 36 - ти роденден, а пејачката откри како изгледала прославата, но и каков подарок добил фудбалерот.

„Прво, цел ден бев на снимање на „Ѕвездите на Гранд“ и сите ме чекаа затоа што рестораните се отворени до осум, па за жал малку задоцнив, но стигнав до делот каде што беше тортата. Атина, Ника и целото семејство беа сите заедно. Убаво беше, јас бев малку уморна, тој беше многу среќен“ - рече пејачката за „Телеграф“ и додаде:

„Тој конкретно од мене не доби подарок, но им дадов пари на Атина и на Ники да му купат на тато специјални подароци и тие му ги донесоа како нивен подарок. Едната од нив имаше купено некаков парфем, другата некои креми за мажи, за подочњаци, сè што му требаше повеќе или помалку, па тоа го спакувавме како два подароци. Ништо спектакуларно, но убаво и функционално.“ - низ смеа откри пејачката.