Кејт откри што кажал принцот Луис за прабаба му, кралицата Елизабета II: Најмалиот син на принцезата ги разнежни сите

Кејт Мидлтон вчера се појави надвор во Виндзор со нејзиниот сопруг, принцот од Велс, како и Меган Маркл и принцот Хари за да види што оставиле обожавателите на кралицата Елизабета Втора во нејзина чест. Принцезата од Велс се заблагодари на толпата за поддршката, а во разговор со најмладите откри и повеќе од важен детаљ.

Жена која била покрај Кејт Мидлтон во Виндзор додека принцезата разговарала со децата, ја слушнала како вели: „Луис рече - барем сега баба е кај прадедо“.

Истата жена откри дека Кејт ги охрабрувала малечките, а потоа друг сведок на вчерашниот собир на членовите на британското семејство изјавил дека „навистина ми беше убаво да ги видам заедно“, пренесува „Дејли мејл“.

„Толку многу емоции... помислив дека тоа ќе и се допаднеше на кралицата. Само се надевам дека ќе останат во такви односи и дека браќата и семејствата ќе останат заедно“, рече таа.

Реченицата на принцот Луис Артур Чарлс (4) многу се коментира, а зборовите на момчето трогнаа многумина. Најмалото дете на принцот и принцезата од Велс беше ѕвезда на прославата на платинестиот јубилеј на кралицата Елизабета Втора во јуни во Лондон. Со преслатки гримаси ги освои симпатиите на светската јавност, а ќе остане запаметено како разговараше со својата прабаба на балконот на Бакингемската палата за време на традиционалната прослава „Trooping the Color“.

Кејт Мидлтон и принцот Вилијам имаат ќерка принцезата Шарлот Елизабет Дијана (7) и син Џорџ Луис Александар (12). Славниот пар неодамна се пресели со своите деца во Виндзор за најмалите да поминат што повеќе време со кралицата.

Фото: Профимедиа